2 րոպեի ընթերցում
ԱՆՈՆՍ
21 օգոստոս, 2026
ՀՀ ԱԺ
Ժամը 10։00-ին Ազգային ժողովում կշարունակվի 9-րդ գումարման Ազգային ժողովի նստաշրջանը։
Նախարարություններ
Ժամը 11։00-ին Ներքին գործերի նախարարությունում (Նալբանդյան 130, Հանրային հաղորդակցության և իրազեկման վարչությունում) oգոստոսի 21-ին տեղի կունենա մամուլի ասուլիս։ Բանախոսներ՝
ՆԳ նախարարի տեղակալի ժամանակավոր պաշտոնակատար Արմեն Մկրտչյան,
ՆԳՆ փրկարար ծառայության տնօրեն-ՆԳ նախարարի տեղակալի ժամանակավոր պաշտոնակատար Արամ Ղազարյան։ Կներկայացվեն 2026 թվականի առաջին կիսամյակում ՆԳՆ փրկարար ծառայության գործունեության արդյունքներն ու վիճակագրական տվյալներ։
Հրավիրում ենք լուսաբանելու։
Խնդրում ենք ներկայանալ 15 րոպե շուտ։ Հարցերի դեպքում կարող եք զանգահարել՝ 011 56-02-63, 010 59-68-38 հեռախոսահամարներով։
Մշակույթ
Ժամը 19:00-ին Հայաստանի ազգային պատկերասրահում կբացվի «Արվեստագետը որպես պատկեր» ֆոտո ցուցահանդեսը: Այն ներկայացնում է արվեստագետի կերպարի փոփոխվող հետագիծը լուսանկարչական դիմանկարի միջոցով 19-րդ դարի վերջից մինչ մեր օրերը։ Հիմնված Ազգային պատկերասրահի՝ Հայաստանում, Եվրոպայում և ԱՄՆ-ում գործող արվեստագետների դիմանկարների հարուստ հավաքածուի վրա, այս ցուցահանդեսը դիտարկում է, թե ինչպես է արվեստագետը մասնավոր անհատից վերածվել հանրային ու մշակութային կերպարի, իսկ հետագայում՝ նաև գիտակցաբար կառուցվող պատկերի։