2 րոպեի ընթերցում
ԱՆՈՆՍ
14 օգոստոս, 2026
ՀՀ ԱԺ
Ժամը 10։00-ին Ազգային ժողովում կշարունակվի 9-րդ գումարման Ազգային ժողովի նստաշրջանը։
Նախարարություններ
Ժամը 09:30-ին Երևանի օլիմպիական հերթափոխի պետական մարզական քոլեջում (հասցե՝ Արամ Մանուկյան փող., 31 շենք) կանցկացվի Սպորտի ռազմավարական և համակարգային բարեփոխումների ֆորումը։ Միջոցառմանը բացման խոսքով հանդես կգա ՀՀ կրթության, գիտության, մշակույթի և սպորտի նախարար Ժաննա Անդրեսայանը։ Սա սպորտի ոլորտի հիմնական դերակատարների մասնակցությամբ նման ձևաչափով անցկացվող առաջին համաժողովն է, որի նպատակն է համախմբել ոլորտային ներուժը, խթանել համագործակցությունը և մեկտեղել ջանքերը՝ սպորտի ռազմավարական զարգացման և համակարգային բարեփոխումների շուրջ։ Միջոցառման ընթացքում կներկայացվեն սպորտի ոլորտում իրականացվող և նախատեսվող նոր ծրագրերը, կլինեն ոլորտային զեկուցումներ, ինչպես նաև կանցկացվեն մասնագիտական քննարկումներ՝ նվիրված սպորտի ռազմավարական զարգացմանը, ոլորտային դերակատարների ներգրավվածության խթանմանը և համագործակցության ամրապնդմանը:
Ժամը 11։00-ին Ներքին գործերի նախարարությունում (Նալբանդյան 130, Հանրային հաղորդակցության և իրազեկման վարչությունում) տեղի կունենա մամուլի ասուլիս։
Բանախոսներ՝
ՆԳ նախարարի տեղակալի ժամանակավոր պաշտոնակատար Արմեն Ղազարյան,
ՆԳՆ միգրացիայի և քաղաքացիության ծառայության պետի ժամանակավոր պաշտոնակատար Նելլի Դավթյան։
Կներկայացվեն ՆԳՆ միգրացիայի և քաղաքացիության ծառայության 2026 թվականի առաջին կիսամյակում կատարած աշխատանքները։
Զանգվածային լրատվության միջոցների ներկայացուցիչներին հրավիրում ենք լուսաբանելու։
Խնդրում ենք ներկայանալ 15 րոպե շուտ։
Հարցերի դեպքում կարող եք զանգահարել՝ 011 56-02-63, 010 59-68-38 հեռախոսահամարներով։