4 րոպեի ընթերցում
ԱՆՈՆՍ
07 օգոստոս, 2026
ՀՀ ԱԺ
Ժամը 10։00-ին Ազգային ժողովում կշարունակվի 9-րդ գումարման Ազգային ժողովի նստաշրջանը։
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ-ում Իրանի փոխդեսպան Բահրամ Թահերիի, «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանի, Տուրիզմի հայկական ֆեդերացիայի նախագահ Մեխակ Ապրեսյանի ասուլիսը:
ԹԵՄԱ․- «Նավասարդ» հայ-իրանական մշակութային, խոհանոցային փառատոն․ սպասվող ծրագրերը։
Հրավիրում ենք լուսաբանման: +374 91 62 18 38
Մամուլի ակումբներ
Ժամը 13.00-ին Sputnik Արմենիա մուլտիմեդիոն մամուլի կենտրոնում տեղի կունենա տեսակամուրջ, որի ընթացքում ամերիկա-իրանական հակամարտության հերթական թեժ փուլի ավարտի մասին Դոնալդ Թրամփի հայտարարության վերաբերյալ իր կարծիքը կներկայացնի ամերիկահայ քաղաքագետ, հրապարակախոս Մալեկ Դուդակովը։
Մշակույթ
Ժամը 18:30-ին Գրականության և արվեստի թանգարանում (ՀԱՍՑԵ՝ ԱՐԱՄԻ 1) տեղի կունենա «Բեմի հմայքը» խորագրով ցուցադրությունը:
Հայաստանի Կինոյի հիմնադրամը՝ Գրականության և արվեստի թանգարանի հետ համագործակցությամբ, ներկայացնում է «Բեմի հմայքը» խորագրով ցուցադրություն՝ նվիրված հայկական թատրոնի և կինոյի մեծանուն դերասանուհի Մետաքսյա Սիմոնյանի ծննդյան 100-ամյակին։
Ցուցադրությունը հնարավորություն կտա այցելուներին ծանոթանալու դերասանուհու ստեղծագործական հարուստ ժառանգությանը, բացահայտելու նրա բեմական և կինեմատոգրաֆիական արվեստի լավագույն էջերը։ Ցուցադրության շրջանակում կներկայացվեն Մետաքսյա Սիմոնյանի բեմական զգեստներից, զարդերից, բնօրինակ ազդագրերից, եզակի լուսանկարներից, անձնական իրերից ու ձեռագրերից ընտրված նմուշներ, որոնք ամբողջացնում են նրա ստեղծագործական դիմանկարը։ Այցելուները հնարավորություն կունենան դիտելու նաև Մետաքսյա Սիմոնյանի մասնակցությամբ ֆիլմերից հատվածներ։
Ժամը 18:30-ին Հայաստանի ազգային պատկերասրահում կբացվի ժամանակակից ստեղծագործող Կարեն Օհանյանի վերջին շրջանի գործերի «Նուրբ բան» խորագրով ցուցահանդեսը:
Ժամը 19:00-ին Հայ Արտ կենտրոնում (Հասցե ' Մաշտոցի 7) տեղի կունենա իսլանդացի ճանաչված արվեստագետ Ռոզա Գիսլադոտիրի «Ժամանակի արտացոլանքը» անհատական ցուցահանդեսի ֆինիսաժը։ Ցուցահանդեսում ներկայացված է արվեստագետի 223 ստեղծագործություն, որոնք բացահայտում են ժամանակի, հիշողության և բնության փոխհարաբերությունները՝ հեղինակին բնորոշ գեղարվեստական լեզվով։ Ռոզա Գիսլադոտիրի առաջին անհատական ցուցահանդեսի շրջանակում հատուկ Երևանի և Երևանի քաղաքապետարանի ենթակայությամբ գործող Հայ Արտ արվեստի կենտրոնի համար ստեղծված հինգ աշխատանք նվիրաբերվել է քաղաքին և համալրել կենտրոնի մշտական հավաքածուն։ Միջոցառմանը ներկա կլինի նաև Ռոզա Գիսլադոտիրը, ինչը լրացուցիչ հնարավորություն կընձեռի արվեստագետի հետ հանդիպման և զրույցի համար։