Պենտագոնի ղեկավարը հերքել է այն լուրերը, թե ԱՄՆ-ն սպառել է կալանիչ հրթիռների պաշարները

ԱՄՆ պատերազմի նախարար Փիթ Հեգսեթը սուտ է որակել CNN հեռուստաալիքի այն հրապարակումը, թե ամերիկացի զինվորականներն Իրանի հետ հակամարտության սկզբից ի վեր սպառել են կալանիչ հրթիռների պաշարների մեծ մասը։ «Արմենպրես»-ի փոխանցմամբ՝ Պենտագոնի ղեկավարը համապատասխան գրառում է արել X սոցիալական հարթակում։

Նա իր էջում տեղադրել է հեռուստաէկրանի լուսանկարը CNN-ի համապատասխան հաղորդումից։ Էկրանի ներքևում գրված է, որ ըստ աղբյուրների՝ ԱՄՆ-ն Իրանի դեմ պատերազմում օգտագործել է իր կարևորագույն կալանիչ հրթիռների 80%-ը, և որ բարձրաստիճան հրամանատարները նախազգուշացնում են, որ պաշարները «վտանգավոր աստիճանի նվազել են»։

That banner is NOT TRUE, @CNN. Shame on you.

We don’t hate the Fake News media enough. pic.twitter.com/QCwEoykQZR

— Pete Hegseth (@PeteHegseth) August 4, 2026

Հեգսեթի խոսքով՝ դա «ճիշտ չէ»։

«Ամոթ ձեզ։ Մենք բավականաչափ չենք ատում կեղծ լուրեր տարածող ԶԼՄ-ները», - հավելել է նախարարը։

CNN-ի աղբյուրների տվյալներով, որոնք ծանոթ են վերջին հաշվետվություններին, ամերիկացի զինվորականները փետրվարի 28-ից ի վեր, երբ սկսվեց Իրանի դեմ հակամարտությունը, օգտագործել են իրենց THAAD հրթիռների գրեթե 80%-ը և Patriot կալանիչների մոտավորապես կեսը։