2 րոպեի ընթերցում
Հուլիսի 30-ի միջոցառումների անոնս
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 15:00-ին Երևանի ընդհանուր իրավասության դատարանի Շենգավիթ նստավայրում (Արշակունյաց 24/1) կկայանա դատական նիստ: Ի՞նչ խափանման միջոց կսահմանի դատարանը քաղակտիվիստ Վահագն Չախալյանի և 9-րդ գումարման ԱԺ պատգամավոր ընտրված Արթուր Սարգսյանի համար գալիք դատական նիստին: Այս պահին անազատության մեջ են գտնվում Բագրատ Սրբազանը, Արթուր Սարգսյանը և Վահագն Չախալյանը:
Կուսակցություններ, ՀԿ-ներ, միջազգային կազմ-ներ
Ժամը 19:00-ին ՀՀ-ում Չինաստանի դեսպանատանը կկայանա Բանակի 99-ամյակին նվիրված միջոցառում:
Մշակույթ
Ժամը 11:00-ին Հայաստանի նկարիչների միությունում կկայանա «Լյանչժուի դարաշրջան. իրականության և վիրտուալ իրականության համադրմամբ գերիմերսիվ ցուցահանդես» խորագրով ցուցահանդեսի պաշտոնական բացման արարողությունը։ Չժեցզյանի նահանգային թանգարանի նախաձեռնությամբ կազմակերպված ցուցահանդեսը միավորում է Լյանչժուի մշակույթի բացառիկ արժեքավոր նմուշներն ու ժամանակակից թվային տեխնոլոգիաները՝ ստեղծելով եզակի, ամբողջովին ընկղմվող փորձառություն։ Ցուցադրությունը հնարավորություն է տալիս բացահայտելու Չինաստանի 5000-ամյա քաղաքակրթության հարուստ ժառանգությունն ու նորարարական ոգին՝ իրականության և վիրտուալ իրականության համադրման միջոցով։
Ժամը 14:00-ին Ավ.Իսահակյանի անվան կենտրոնական գրադարանում (Նալբանդյան 4/1) կկայանա Բեգլար Չրաղյանի «Քաոսից՝ լույս» գրքի շնորհանդեսը: