3 րոպեի ընթերցում
Հուլիսի 29-ի միջոցառումների անոնս
Պետական կառույցներ
Ժամը 11:00-ին Սևանա լճի ափին՝ Գեղարքունիքի մարզի Դարանակ բնակավայրի հարևանությամբ՝ «Սևան» փառատոնային քաղաքում (Sevan festival City) Շվեյցարական զարգացման և համագործակցության գործակալության (SDC) կողմից ֆինանսավորվող «Կայուն և ներառական աճ Հայաստանի լեռնային բնակավայրերում» (SIGMA) ծրագիրը, «Թվային գյուղատնտեսության հայկական ինստիտուտ» (AI4DA) հիմնադրամը և «Ստարտափ Արմենիա» հիմնադրամը հրավիրում են լուսաբանելու «Sevan Agritech Summit 2026» միջազգային գագաթնաժողովի մեկնարկի միջոցառումը: «Sevan Agritech Summit»-ը անցկացվում է ամենամյա «Seaside Startup Summit Armenia» միջոցառման շրջանակում՝ ՀՀ էկոնոմիկայի նախարարության հովանու ներքո: Բացման արարողությանը ներկա կլինեն և խոսքով հանդես կգան պետական կառույցների և միջազգային կազմակերպությունների բարձրաստիճան պաշտոնյաներ: Ելույթներով հանդես կգան ոլորտի առաջատար փորձագետներ աշխարհի տարբեր երկրներից: Միջոցառման շրջանակում տեղի կունենա երկօրյա բարձրաստիճան համաժողով, ինչպես նաև կանցկացվի մրցույթ լավագույն ագրոտեխնոլոգիական լուծումներ առաջադրած ստարտափների միջև։ Լրատվամիջոցների գրանցումը՝ 10:30-ին: Մուտքը՝ անձնագրով: +374 33 927200:
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանի, փառատոնի կազմակերպիչ Վլադիմիր Գևորգյանի ասուլիսը: Թեմա. «Խորովածի համահայկական 13-րդ փառատոն». Հայաստանում գաստրոտուրիզմի զարգացման հնարավորությունները։
Կուսակցություններ, ՀԿ-ներ, միջազգային կազմ-ներ
Ժամը 10:00-ին Համաշխարհային բանկի խմբի Հայաստանի գրասենյակում կկայանա լրագրողական հանդիպում Համաշխարհային բանկի «Հայաստանի տնտեսական զարկերակը» զեկույցի հեղինակների հետ: Զեկույցը կներկայացնի Համաշխարհային բանկի խմբի հայախոս տնտեսագետը, ով զեկույցի համահեղինակներից է։ Հանդիպման ընթացքում կտրամադրվի համաժամանակյա թարգմանություն, որպեսզի այլ հեղինակների հետ հնարավոր լինի կազմակերպել անխափան հաղորդակցություն։ +374 91 291300:
Ժամը 11:00-ին Մեդիա նախաձեռնությունների կենտրոնում (Արշակունյաց 3, 3-րդ հարկ) տեղի կունենա մամուլի ասուլիս՝ նվիրված Երևանում կայանալիք COP17-ի Կանաչ գոտու (Green Zone) կազմակերպչական աշխատանքներին և առաջիկա անելիքներին։ Բանախոս. COP17 Կանաչ գոտու (Green Zone) գլխավոր համակարգող Լիլիթ Միդոյան: Ասուլիսի ընթացքում կներկայացվեն՝ Կ.Դեմիրճյանի անվան մարզահամերգային համալիրում հոկտեմբերի 19-30-ը նախատեսված Կանաչ գոտու հայեցակարգն ու հիմնական ուղղությունները, նախապատրաստական աշխատանքների ընթացիկ փուլը, մասնակցության ձևաչափերը, հայտերի ներկայացման և գրանցման ընթացակարգերը (տաղավարներ, միջոցառումներ, այցելուներ)։ 055 895700։