Վանաձորում 6-ամյա երեխայի մահվան դեպքով քրեական վարույթ է նախաձեռնվել

Վանաձորում 6-ամյա երեխայի մահվան դեպքի առթիվ նախաձեռնվել է քրեական վարույթ։ «Արմենպրես»-ի հետ զրույցում այս մասին հայտնեց ՀՀ քննչական կոմիտեի մամուլի քարտուղար Կիմա Ավդալյանը։

«Դեպքի առթիվ նախաձեռնվել է քրեական վարույթ։ Նշանակվել է դիակի դատաբժշկական փորձաքննություն։ Կատարվում է նախաքննություն»,- ասաց Ավդալյանը։

Ավելի վաղ Shamshyan.com-ը հայտնել էր, որ հուլիսի 27-ին ժամը 19։30-ի սահմաններում ոստիկանության Բազումի բաժնում ստացված օպերատիվ տեղեկությունների հիման վրա Վանաձոր քաղաքի Բուլղարական 2-րդ ավանի վագոն-տնակներից մեկի հարևանությամբ հայտնաբերվել է 6-ամյա աղջկա մարմին։