365.87
Տոկաևը Պուտինին առաջարկել է Ուկրաինայում հակամարտության կարգավորման համար վերադառնալ ստամբուլյան համաձայնագրերին
1 րոպեի ընթերցում
Ղազախստանի նախագահ Կասիմ-Ժոմարտ Տոկաևը Ռուսաստանի նախագահ Վլադիմիր Պուտինի հետ հանդիպման ժամանակ առաջարկել է վերադառնալ Ստամբուլյան համաձայնագրերին՝ Ուկրաինայում հակամարտությունը լուծելու համար։
«Արմենպրես»-ի հաղորդմամբ՝ այս մասին հայտնում է ՌԻԱ Նովոստի-ն՝ մանրամասներ ներկայացնելով Պուտին-Տոկաև հանդիպումից, որն անցկացվում է Օմսկում երկու երկրների միջև միջտարածաշրջանային համագործակցության ֆորումից առաջ։
«Միգուցե այս հակամարտությունը պետք է սառեցվի և վերադառնա Ստամբուլի «Ֆորմուլա 2.0»-ին, քանի որ այնտեղ նշանակալի արդյունքներ են ձեռք բերվել։ Բնականաբար, մեծ տերությունների, այդ թվում՝ Ռուսաստանի երաշխիքներով։ Եվ այդ ժամանակ մենք կարող ենք առաջ շարժվել դեպի երկար սպասված խաղաղություն»,-ասել է Ղազախստանի նախագահը։
Ռուսաստանի նախագահ Վլադիմիր Պուտինն, իր հերթին, խոստացել է մանրամասներ ներկայացնել Ղազախստանի նախագահ Կասիմ-Ժոմարտ Տոկաևին Ուկրաինայում ստեղծված ներկա իրավիճակի շուրջ։
Բաժանորդագրվեք մեր ալիքին Telegram-ում