2 րոպեի ընթերցում
ԱՆՈՆՍ
25 հուլիս, 2026
Կուսակցություններ, ՀԿ-ներ, միջազգային կազմ-ներ
Ժամը 07:40-ին Հանրապետության հրապարակից կմեկնեն Վայոց Ձորի մարզի Հորս գյուղ, որտեղ ժամը 11:30-ին տեղի կունենա «Եղեգիս ֆեսթ. Վայոց Ձորի բնության և մեղրի փառատոն»-ի բացումը և պաշտոնական հյուրերի (դեսպաններ, պետական այրեր, FPWC ղեկավարություն) ելույթներ։ COP 17-ին ընդառաջ «Եղեգիս Ֆեսթ»-ը ներկայացնում է մարդ-վայրի բնություն համակեցության լուծումներն ու կենսաբազմազանության «թեժ կետի» պահպանումը: Կազմակերպիչներ՝ Վայրի բնության և մշակութային արժեքների պահպանման հիմնադրամ (FPWC), Մեծ Բրիտանիայի կառավարության «Դարվինի նախաձեռնություն» (Darwin Initiative), ՀՀ ԷՆ զբոսաշրջության կոմիտե, «Bears in Mind» հիմնադրամ: Այս փառատոնը դուրս է տեղական տոնախմբության սահմաններից՝ վերածվելով միջազգային կարևոր հարթակի, որտեղ մեկտեղվում են կանաչ օրակարգը, էկոտուրիզմը, մարդ-վայրի բնություն համակեցությունն ու համայնքների սոցիալ-տնտեսական զարգացումը: Վերադարձ՝ նույն օրը՝ համերգային ծրագրի ավարտից հետո: 098 50 99 39:
Ժամը 19:00-ին Սիրահարների այգում տեղի կունենա հանրային քննարկում՝ «Ընտրական իրավունքի սահմանափակումները՝ միահեծան իշխանության պայմաններում» թեմայով։ Քննարկման առանցքում է լինելու Ընտրական օրենսգրքի հուլիսի 3-ի փոփոխությունը, որի հետևանքով արտերկրում բնակվող ՀՀ բազմաթիվ քաղաքացիներ կարող են զրկվել ընտրական իրավունքից։