Գրոսին կրկին կոչ է արել ռազմական զսպվածություն ցուցաբերել բոլոր միջուկային օբյեկտների հարակից տարածքներում

Ատոմային էներգիայի միջազգային գործակալությունը (ԱԷՄԳ) հուլիսի 19-ին զսպվածության կոչ է արել այն բանից հետո, երբ Իրանի իշխանությունները հայտարարել են, որ ԱՄՆ-ն հարվածել է երկրի հարավ-արևմուտքում կառուցվող ատոմակայանին։ Ինչպես հաղորդում է «Արմենպրես»-ը, այս մասին ասվում է X սոցիալական ցանցում գործակալության տարածած հայտարարության մեջ։

The IAEA is looking into reports of an overnight attack on the construction site of a planned nuclear power plant in Darkhovin, Iran. The facility is in the very early stages of construction and contained no nuclear material when last visited by the IAEA.

While the reported… pic.twitter.com/Tdi5QxWcCE

— IAEA - International Atomic Energy Agency ⚛️ (@iaeaorg) July 19, 2026

«ԱԷՄԳ-ն ուսումնասիրում է Իրանում՝ Դարքհովինում, նախատեսվող ատոմակայանի շինհրապարակի վրա գիշերվա ընթացքում տեղի ունեցած հարձակման մասին հաղորդումները։ Կայանը գտնվում է շինարարության ամենավաղ փուլերում և ԱԷՄԳ-ի վերջին այցի ժամանակ այնտեղ միջուկային նյութ չի եղել։

Թեև հաղորդված հարձակումը որևէ ճառագայթային վտանգ չի ներկայացնում, սակայն ԱԷՄԳ տնօրեն Ռաֆայել Գրոսին վերստին կոչ է անում ռազմական զսպվածություն ցուցաբերել բոլոր միջուկային օբյեկտների հարակից տարածքներում»,- ասվում է հայտարարության մեջ։