2 րոպեի ընթերցում
ԱՆՈՆՍ
15 հուլիս, 2026
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ էկոնոմիկայի նախարարության Զբոսաշրջության կոմիտեի մարքեթինգի և խթանման վարչության պետ Դիանա Կարապետյանի, Տուրիզմի հայկական ֆեդերացիայի նախագահ Մեխակ Ապրեսյանի, Գյումրու քաղաքապետարանի մշակույթի և երիտասարդության հարցերի բաժնի պետ Լիլիթ Թովմասյանի ասուլիսը։ Թեմա. սպասվող զբոսաշրջային փառատոնները, փառատոնային տուրիզմի զարգացման հնարավորությունները։
Ժամը 14:30-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կենտրոնական բանկի Սպառողների զորակցման կենտրոնի ղեկավար Արմենուհի Մկրտչյանի ասուլիսը։ Թեմա. առցանց եղանակով կատարվող ֆինանսական գործառնությունների արգելափակման հնարավորությունները։
Մշակույթ
Ժամը 15:00-ին Ժամանակակից արվեստի թանգարանում «Վանաձոր 200» խորագրով ցուցահանդեսի բացման արարողությունը։ Ցուցադրությունը համախմբում է 21 արվեստագետի՝ ներկայացնելով ավելի քան 50 ստեղծագործություն՝ գեղանկարչության, գրաֆիկայի և դեկորատիվ-կիրառական արվեստի ոլորտներից։ Ցուցահանդեսն իրականացվում է Ժամանակակից արվեստի թանգարանի և Վանաձորի կերպարվեստի թանգարանի համագործակցությամբ՝ Վանաձորի համայնքապետարանի աջակցությամբ։ Ցուցահանդեսը նվիրվում է Վանաձոր քաղաքի հիմնադրման 200-ամյակին։