366.69
Թրամփը հուշագիրն անվանել է փորձություն, որն Իրանը ձախողել է
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Վաշինգտոնի և Թեհրանի ստորագրած փոխըմբռնման հուշագիրը փորձություն էր, որն Իրան ձախողեց։ «Արմենպրես»-ի փոխանցմամբ՝ այս մասին նա ասել է ամերիկացի հաղորդավար Հյու Հյուիթի հետ հարցազրույցում։
«Դա յուրատեսակ փորձություն էր, և նրանք ձախողեցին այն», - պնդել է Թրամփը։
Նրա խոսքով՝ ԱՄՆ-ի համար դա ստանդարտ մարտավարություն է՝ նախ կնքել փոխըմբռնման հուշագիր, այնուհետև՝ համաձայնագիր։ Սակայն ԱՄՆ ղեկավարի խոսքով՝ Թեհրանը չի կատարել հուշագրի պայմանները և չի անցել փորձությունը։
Իսլամական Հանրապետության արտաքին գործերի նախարարության ներկայացուցիչ Էսմայիլ Բաղային ավելի վաղ հայտարարել է, որ Իրանը երբեք չի խախտել Միացյալ Նահանգների հետ ստորագրված հուշագիրը, իսկ դրա չկատարման ամբողջ պատասխանատվությունը կրում է Վաշինգտոնը։
Կողմերն Իսլամաբադի փոխըմբռնման հուշագիրը ստորագրել են հունիսի 18-ին։ Սակայն հրադադարը մի քանի անգամ խախտվել է։ Վերջին երեք օրերին ԱՄՆ-ն և Իրանը դարձյալ սկսել են փոխադարձ հարվածները։
Բաժանորդագրվեք մեր ալիքին Telegram-ում