2 րոպեի ընթերցում
ԱՆՈՆՍ
10 հուլիս, 2026
Պետական կառույցներ
Ժամը 14:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանի, Կրթական տեխնոլոգիաների ազգային կենտրոնի տնօրեն Արտակ Պողոսյանի ասուլիսը։ Թեմա.․Քոլեջների ընդունելությունը՝ ըստ նոր կարգի։
Մամուլի ակումբներ
Ժամը 13:00-ին Sputnik Արմենիա մուլտիմեդիոն մամուլի կենտրոնում կկայանա մամուլի ասուլիս. «Հետընտրական իրավիճակը Հայաստանում» թեմայով: Ընտրությունները Հայաստանում ավարտվեցին, Սահմանադրական դատարանը դիտարկեց և մերժեց բոլոր բողոքները՝ արդյունքները հայտարարելով վերջնական: Ինչպե՞ս կզարգանան երկրի ներքաղաքական կյանքի իրադարձությունները և ինչպե՞ս կզարգանան Հայաստանի հարաբերությունները Ռուսաստանի և Եվրասիական տնտեսական միության (ԵԱՏՄ) հետ: Այս և այլ հարցերի շուրջ իր տեսակետը կներկայացնի ՀՀ նախկին վարչապետ և Ազգային ժողովի նախկին նախագահ Խոսրով Հարությունյանը։
Մշակույթ
Ժամը 11:00-ին Հայաստանի ազգային գրադարանի Պատմության ցուցասրահում տեղի կունենա հայ փայտարվեստի նշանավոր վարպետ Հովհաննես Նաղաշյանի ծննդյան 150-ամյակին նվիրված բացառիկ ցուցադրության պաշտոնական բացումը, որը կազմակերպվել է Հայաստանի ազգային գրադարանի և Երևանի պատմության թանգարանի համագործակցությամբ։ Ցուցադրությունը եզակի հնարավորություն է ներկայացնում բացահայտելու Հովհաննես Նաղաշյանի ստեղծագործական ժառանգության մինչ այժմ անհայտ էջերը։ Առաջին անգամ հանրությանն են ներկայացվելու վարպետի երբևէ չցուցադրված էսքիզները, անձնական աշխատանքային գործիքները և նրա ստեղծագործական գործունեությունը ներկայացնող բացառիկ նմուշներ։ 033 62 35 13: