Իսրայելը հայտնել է Գազայում «Համաս»-ի մարզումային ստորաբաժանման հրամանատարի մահվան մասին

Իսրայելի պաշտպանության բանակը (ԻՊԲ) հարված է հասցրել Գազայի հատվածի հյուսիսային մասին՝ նպատակ ունենալով ոչնչացնել պաղեստինյան ​​«Համաս» շարժման ռազմական թևի մարզումային ստորաբաժանման հրամանատարին։

Ինչպես հաղորդում է «Արմենպրես»-ը, այս մասին հայտնել է Իսրայելի պաշտպանության բանակի մամուլի ծառայությունը։

«Իսրայելի պաշտպանության բանակը հարված է հասցրել Գազայի հատվածի հյուսիսային մասին և ոչնչացրել «Համաս»-ի ռազմական թևի մարզումային ստորաբաժանման հրամանատար Ֆադի Ֆալահ Աշուր Դագմաշին, որը համակարգել է զինյալների պատրաստման ծրագրերն ու Գազայի հատվածում Իսրայելի պաշտպանության բանակի ուժերի դեմ մարտական ​​գործողությունները ղեկավարողների թվում է եղել», - ասվում է հայտարարության մեջ և շեշտվում, որ հարվածից առաջ քաղաքացիական բնակչությանը հասցվելիք վնասը նվազագույնի հասցնելու ուղղությամբ միջոցներ են ձեռնարկվել։