6 րոպեի ընթերցում
ԱՆՈՆՍ
01 հուլիս, 2026
ՀՀ ԱԺ
Ժամը 11:00-ին Ազգային ժողովի 314 դահլիճում տեղի կունենա Տնտեսական հարցերի մշտական հանձնաժողովի արտահերթ նիստը:
Ժամը 11:30-ին Ազգային ժողովի 414 դահլիճում արտահերթ նիստ կգումարի Պաշտպանության եւ անվտանգության հարցերի մշտական հանձնաժողովը:
Ժամը 12:00-ին Ազգային ժողովի 214 դահլիճում Աշխատանքի եւ սոցիալական հարցերի մշտական հանձնաժողովը կհրավիրի արտահերթ նիստ:
Ժամը 12:30-ին Ազգային ժողովի 414 դահլիճում Արտաքին հարաբերությունների մշտական հանձնաժողովը նիստ կհրավիրի:
Պետական կառույցներ
Ժամը 10:50-ին ՀԾԿՀ վարչական շենքi նիստերի դահլիճում (Մյասնիկյան 5/1) տեղի կունենա ՀԾԿՀ նիստ, կքննարկվեն «Բնական գազի սակագինը սահմանելու վերաբերյալ» որոշումները։
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կրթության, գիտության, մշակույթի և սպորտի նախարարության Կրթական տեխնոլոգիաների ազգային կենտրոնի տնօրեն Արտակ Պողոսյանի ասուլիսը։ Թեմա. ավագ դպրոցների ընդունելության նոր կարգ, առաջին դասարանցիների ընդունելություն։
Ժամը 19:30-ին Մատենադարանում տեղի կունենա «Խոստում» համահայկական նախաձեռնության պաշտոնական մեկնարկի հանդիսավոր արարողությունը։ «Խոստումը» երկարաժամկետ համահայկական նախաձեռնություն է, որի նպատակն է ստեղծել ազգային և հոգևոր արժեք, որը կփոխանցվի սերնդեսերունդ՝ միավորելով հայերին իրենց հավատքի, պատմության, մշակույթի և արմատների շուրջ։ +37498180292:
Կուսակցություններ, ՀԿ-ներ, միջազգային կազմ-ներ
Ժամը 09:00-ին «Արմենիա Մարիոթ» հյուրանուցում կկայանա տարածաշրջանային երկօրյա միջոցառում, որի ընթացքում պաշտոնապես կնշանավորվի Հայաստանի միացումը «Կանանց առաջնորդության խթանում՝ հանուն դիմակայուն և խաղաղ հասարակությունների» տարածաշրջանային ծրագրին՝ ուղղված գենդերային հավասարության, դիմակայուն կառավարման և խաղաղաշինության խթանմանը։ Միջոցառումը մեկ հարթակում կհամախմբի Հայաստանի, Վրաստանի, Մոլդովայի և Ուկրաինայի կին առաջնորդներին, որոնք կկիսվեն խաղաղաշինության, բարեփոխումների և վերականգնման իրենց փորձով։ Ժամը 09:30-09:45՝ հարցազրույցներ լրատվամիջոցների համար։ Բարձրաստիճան մասնակիցներ՝ ՀՀ վարչապետի գլխավոր խորհրդական Լիլիթ Մակունց, ՀՀ աշխատանքի և սոցիալական հարցերի նախարար Արսեն Թորոսյան, Ուկրաինայի գենդերային հավասարության քաղաքականության կառավարության հանձնակատար Կատերինա Լևչենկո, Մոլդովայի վերաինտեգրման հարցերով նախկին փոխվարչապետ Քրիստինա Լեսնիկ, Դանիայի Թագավորության դեսպան Վրաստանում և Հայաստանում Աննե Տոֆթ Սորենսեն, ՄԱԿ-ի մշտական համակարգող Հայաստանում Ֆրանսուազ Ժակոբ, ՄԱԿ-ի Կանանց հարցերով կազմակերպության (UN Women) Եվրոպայի և Կենտրոնական Ասիայի տարածաշրջանային տնօրեն Բելեն Սանս Լուկե, ՄԱԿ-ի Կանանց հարցերով կազմակերպության (UN Women) ներկայացուցիչ Վրաստանում և Հարավային Կովկասի կապի պատասխանատու Կաորի Իշիկավա: +374 55 020780:
Ժամը 15:20-ին «Էլիտ Պլազա» բիզնես կենտրոնում «ՀԿ Կենտրոն» քաղաքացիական հասարակության զարգացման ՀԿ-ն հրավիրում է լրատվամիջոցների ներկայացուցիչներին լուսաբանելու «Dialogue4Progress» աշխատանքային քննարկումը, որը նվիրված է ՀՀ հարկային օրենսգրքում փոփոխություններ կատարելու մասին օրենսդրական նախագծին։ Քննարկմանը ներկա կլինեն պաշտոնյաներ, այդ թվում՝ ֆինանսների նախարարի տեղակալ Արման Պողոսյանը, եկամուտների քաղաքականության և վարչարարության մեթոդաբանության վարչության պետ Օրի Ալավերդյանը և բաժնի պետ Արթուր Ալեքսանյանը, ինչպես նաև ՀՀ վարչապետի աշխատակազմի մասնակցային և բաց կառավարման հարցերի վարչության պետ Լիլյա Աֆրիկյանը։ Նախագծով առաջարկվում է ֆիզիկական անձանց կողմից ոչ առևտրային կազմակերպություններին անհատույց փոխանցված դրամական միջոցները ներառել փոխհատուցվող «սոցիալական ծախսերի» շարքում։ 055 681169։
ԲՈՒՀ-եր, կրթական հաստատություններ
Ժամը 12:00-ին Պ.Չայկովսկու անվան միջնակարգ երաժշտական մասնագիտացված դպրոցում (Եզնիկ Կողբացի 36) տեղի կունենա մամուլի ասուլիս՝ նվիրված ՀՀ ԿԳՄՍ նախարարության ֆինանսավորմամբ Պ.Չայկովսկու անվան դպրոցի սիմֆոնիկ նվագախմբի Ժնևում կայացած հյուրախաղերին: Բանախոսներ՝ ՀՀ ԿԳՄՍ նախարարության ժամանակակից արվեստի և գրահրատարակչության վարչության պետ Սվետլանա Սահակյան, Պ.Չայկովսկու անվան միջնակարգ երաժշտական մասնագիտացված դպրոցի տնօրեն Մարտունի Կոստանդյան, դպրոցի նվագախմբի ղեկավար Դավիթ Մարուխյան: Կներկայացվեն հյուրախաղերի վերաբերյալ մանրամասներն ու ձեռքբերումները: ՀՀ ԿԳՄՍՆ
Մամուլի ակումբներ
Ժամը 14:00-ին «Դեբատ» բանավեճի ակումբը (Արշակունյաց 2ա) հրավիրում է հերթական քննարկման՝ «Հետընտրական զարգացումներ և հասարակական տրամադրություններ» թեմայով: Օրվա բանախոսներն են՝ տիկնիկային թատրոնի գեղարվեստական ղեկավար, ռեժիսոր-հրապարակախոս Ռուբեն Բաբայանը, դերասան Մհեր Մկրտչյանը և Սոցապ.նախկին նախարար Ռազմիկ Մարտիրոսյանը: +374 93 53 02 38:
Մշակույթ
Ժամը 19:30-ին «Արամ Խաչատրյան» համերգասրահում Հայատանի պետական սիմֆոնիկ նվագախումբը հրավիրում է համերգասրահ՝ վայելելու «Սիմֆոնիկ ճամփորդություն» սիրված համերգը՝ նոր ծրագրով։ Դիրիժոր Սերգեյ Սմբատյան։