3 րոպեի ընթերցում
ԱՆՈՆՍ
18 հունիս, 2026
ՀՀ ԱԺ
Ժամը 10:00-ին Ազգային ժողովում աշխատանքը կշարունակի ՀՀ ազգային ժողովի հերթական քառօրյա նիստը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 14:30-ին /մասնակիցների գրանցումը՝ 14։00-ից/ Մրցակցության և սպառողների շահերի պաշտպանության հանձնաժողովի նիստերի դահլիճում /Տիգրան Մեծի 4, 2-րդ հարկ/ հանձնաժողովը նախաձեռնել է քննարկում՝ տնտեսավարողներին ներկայացնելու սպառողների շահերի պաշտպանությանն ուղղված նոր օրենսդրական կարգավորումները, որոնք ուժի մեջ են մտնում 2026 թվականի հուլիսի 1-ից։ Բացման խոսք՝ Մրցակցության և սպառողների շահերի պաշտպանության հանձնաժողովի անդամ Տիգրան Մարկոսյան, Էկոնոմիկայի փոխնախարար Լիլյա Սիրականյան: Խնդրում ենք ներկայանալ լրագրողի վկայականով։ Միջոցառման օրակարգին կարող եք ծանոթանալ հետևյալ հղմամբ https://competition.am/wp.../uploads/2026/06/orakarg.pdf : 060 830 840, ներքին՝ 259 կամ 280:
Մամուլի ակումբներ
Ժամը 17:00-ին Sputnik Արմենիա մուլտիմեդիոն մամուլի կենտրոնում կկայանա Մոսկվա-Երևան տեսակամուրջ՝ «Ինչի շուրջ կարող են Մոսկվան ու Անկարան համագործակցել Հարավային Կովկասում» թեմայով: Մոսկվայում Ռուսաստանի և Թուրքիայի արտգործնախարարների բանակցություններից անմիջապես հետո Սերգեյ Լավրովի և Հաքան Ֆիդանի համատեղ ճեպազրույցում նշվեց, որ հանդիպմանը մանրամասն քննարկվել են Հարավային Կովկասում ստեղծված իրավիճակը և Հայաստանի ու Ադրբեջանի միջև ընթացող խաղաղության գործընթացը։ Ռուսաստանը և Թուրքիան նաև պայմանավորվել են սերտորեն համագործակցել Հարավային Կովկասում, Մերձավոր Արևելքում և այլ տարածաշրջաններում։ Ինչպե՞ս կզարգանան իրադարձությունները Հարավային Կովկասում։ Որքանո՞վ և կոնկրետ ո՞ր հարցերի շուրջ են Ռուսաստանի և Թուրքիայի շահերը համընկնում Հարավային Կովկասում, Մերձավոր Արևելքում և այլ տարածաշրջաններում։ Այս հարցերի շուրջ իր տեսակետը կներկայացնի թուրքագետ Յաշար Նիյազբաևը տեսակամրջի ընթացքում։
Մշակույթ
Ժամը 15:00-ին Հայաստանի նկարիչների միության «Արա Սարգսյան» և «Մարտիրոս Սարյան» ցուցասրահներում կկայանա Հայաստանի նկարիչների միության կողմից կազմակերպվող Վարկանիշային ցուցահանդեսի հանդիսավոր բացումը։ Ցուցահանդեսին մասնակցում են կերպարվեստի այն ներկայացուցիչները, որոնք Հայաստանի նկարիչների միության անդամ չեն։