3 րոպեի ընթերցում
ԱՆՈՆՍ
11 հունիս, 2026
ՀՀ նախագահական
ՀՀ ԱԺ
Ժամը 10:00-ին Ազգային ժողովի 334 դահլիճում կկայանա ԱԺ տնտեսական հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2025թ. պետական բյուջեի կատարման մասին» տարեկան հաշվետվություն՝ եկամուտների եւ ծախսերի կատարողական /եկամուտների ձեւավորում, հարկային եւ մաքսային քաղաքականութուն, արդյունաբերություն, էներգետիկա եւ բնական պաշարներ, տրանսպորտ, կապ, տեղեկատվական տեխնոլոգիաներ, հանրային ծառայությունների կարգավորում, տնտեսական մրցակցության պաշտպանություն, անշարժ գույքի կադաստրի ոլորտ, քաղաքաշինության եւ սակագնային քաղաքականութուն/:
Ժամը 16:30-ին Ազգային ժողովի 334 դահլիճում կկայանա ԱԺ աշխատանքի եւ սոցիալական հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2025թ. պետական բյուջեի կատարման մասին» տարեկան հաշվետվություն՝ եկամուտների եւ ծախսերի կատարողական /սոցիալական ապահովություն, նպաստներ եւ թոշակներ/:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 16:00-ին Կոմիտասի թանգարան-ինստիտուտում տեղի կունենա Կոմիտասի արխիվների թվայնացման նախագծի պաշտոնական մեկնարկի միջոցառումը, որն իրականացվում է IBRS Council-ի և Komitas Museum-Institute-ի համագործակցությամբ։ Նախագծի նպատակն է ժամանակակից թվային տեխնոլոգիաների կիրառմամբ պահպանել, համակարգել և միջազգային գիտական ու մշակութային հանրությանը հասանելի դարձնել Կոմիտասի հարուստ արխիվային ժառանգությունը։ Միջոցառման հատուկ հյուրն է համաշխարհային ճանաչում ունեցող ֆինանսական և բիզնես խորհրդատու Մարկ Չենյանը (Mark Chenian), UBS Financial Services-ի փոխնախագահը, ով Հայաստանում է գտնվում մի շարք մշակութային, կրթական և միջազգային համագործակցության ծրագրերի շրջանակում։ Միջոցառման ընթացքում կներկայացվեն ծրագրի հիմնական նպատակները, իրականացման փուլերը, ինչպես նաև թվայնացման գործընթացի նշանակությունը հայկական մշակութային ժառանգության պահպանման և միջազգային ճանաչելիության բարձրացման գործում։ +37499111331