Իսրայելի արտգործնախարարը շնորհավորել է Նիկոլ Փաշինյանին և ՔՊ-ին հաղթանակի առիթով
2 րոպեի ընթերցում
Իսրայելի արտաքին գործերի նախարար Գիդեոն Սաարը շնորհավորել է Հայաստանի վարչապետ Նիկոլ Փաշինյանին և «Քաղաքացիական պայմանագիր» կուսակցությանը Հայաստանի խորհրդարանական ընտրություններում տարած հաղթանակի կապակցությամբ։
«Վարչապետ Փաշինյանը ցուցաբերել է առաջնորդություն՝ իր երկիրը տանելով դեպի խաղաղություն և հաշտեցում Ադրբեջանի հետ, ինչը կնպաստի տարածաշրջանային կայունությանը և համագործակցությանը»,-«Արմենպրես»-ի հաղորդմամբ՝ X-ի իր միկրոբլոգում գրել է նա։
We congratulate the PM of Armenia @NikolPashinyan and the Civil Contract Party on the victory in the Armenian parliamentary elections.
— Gideon Sa'ar | גדעון סער (@gidonsaar) June 8, 2026
PM Pashinyan has demonstrated leadership by advancing his country towards peace and reconciliation with Azerbaijan, which will promote regional…
Հայաստանում հունիսի 7-ին կայացած խորհրդարանական ընտրությունների նախնական արդյունքներով խորհրդարան մտնելու անցողիկ շեմը հաղթահարել է երեք քաղաքական ուժ՝ «Քաղաքացիական պայմանագիր» կուսակցությունը՝ 727 հազար 820 կամ 49,825 տոկոս ձայներով, «Ուժեղ Հայաստան» դաշինքը՝ 340 հազար 88 կամ 23,281 տոկոս ձայներով, «Հայաստան» դաշինք՝ 145 հազար 113 կամ 9,934 տոկոս ձայներով։ «Քաղաքացիական պայմանագիր» կուսակցությունը քվեարկության նախնական արդյունքներով կկարողանա մեծամասնություն ստանալ խորհրդարանում և ձևավորել կառավարություն։