Փաշինյանի համոզմամբ՝ Չինաստանի հետ գործընկերությունը կշարունակի խորանալ

ՀՀ վարչապետ, «Քաղաքացիական պայմանագիր» կուսակցության ցուցակը գլխավորող Նիկոլ Փաշինյանը համոզմունք է հայտնել, որ Չինաստանի հետ հարաբերությունները կշարունակեն խորանալ ու զարգանալ։

«Արմենպրես»-ի հաղորդմամբ՝ այս մասին Նիկոլ Փաշինյանն ասել է հունիսի 7-ի ՀՀ ԱԺ ընտրությունների քվեարկությանը մասնակցելուց հետո լրագրողների հետ ճեպազրույցում՝ անդրադառնալով հարցին, թե ընտրությունների արդյունքներն ինչ ազդեցություն կունենան հայ-չինական հարաբերությունների վրա։

«Մենք անցած տարի նախագահ Սի Ծինփինի հետ ընդունել ենք փաստաթուղթ ռազմավարական գործընկերության մասին։ Սա փաստ է։ Ես վստահ եմ, որ ընտրությունների արդյունքում այդ փաստը չի փոփոխվելու բացասական կոնտեքստով։ Ես կարծում եմ, որ մեր ռազմավարական գործընկերությունը կզարգանա նաև հետագայում, քանի որ երկու երկրներն էլ շահագրգռված են դրանով։ Հատկապես՝ «Խաղաղության խաչմերուկ» նախագծի շրջանակներում կան մեծ հնարավորություններ, և ես վստահ եմ, որ մեր գործընկերությունը խորանալու է»,-ասել է Փաշինյանը։

Հայաստանում հունիսի 7-ի խորհրդարանական ընտրություններին մասնակցելու համար գրանցվել է 18 քաղաքական ուժ՝ 2 դաշինք և 16 կուսակցություն։ Ժամը 08։00-ից մեկնարկել է քվեարկությունը, որը կշարունակվի մինչև 20։00-ն։ 

Հայաստանում հունիսի 7-ի խորհրդարանական ընտրություններին մասնակցելու համար գրանցվել է 18 քաղաքական ուժ՝ 2 դաշինք և 16 կուսակցություն։ Ժամը 08։00-ից մեկնարկել է քվեարկությունը, որը կշարունակվի մինչև 20։00-ն։ Քվեարկելու իրավունք ունի 2 մլն 485 հազար 851 մարդ։ Քվեարկության համար Հայաստանի ամբողջ տարածքում ձևավորվել է 2005 ընտրատեղամաս։ Ընտրությունները լուսաբանելու համար հավատարմագրվել է 71 լրատվամիջոց, դիտորդական առաքելություն կիրականացնեն 13 տեղական, 8 միջազգային կազմակերպություններ։

Քվեարկության համար Հայաստանի ամբողջ տարածքում ձևավորվել է 2005 ընտրատեղամաս։ Ընտրությունները լուսաբանելու համար հավատարմագրվել է 71 լրատվամիջոց, դիտորդական առաքելություն կիրականացնեն 13 տեղական, 8 միջազգային կազմակերպություններ։