2 րոպեի ընթերցում
Wildberries միջազգային էլեկտրոնային առևտրի հարթակը շարունակում է ընդլայնել իր լոգիստիկ հնարավորությունները Հայաստանում՝ «էքսպրես առաքում» ծառայությունը դարձնելով ավելի հասանելի և մոտ գնորդներին։
Այժմ ծառայությունը գործում է ոչ միայն Երևանում, այլև Գյումրիում՝ հնարավորություն տալով ավելի մեծ թվով օգտատերերի ստանալ իրենց պատվերները հնարավորինս արագ և հարմարավետ։
«Մեր նպատակը պարզ է՝ առցանց գնումները դարձնել ավելի հասանելի, արագ և հարմար յուրաքանչյուրի համար։ Մենք աստիճանաբար ընդլայնում ենք մեր սպասարկման աշխարհագրությունը Հայաստանում, որպեսզի մարդիկ ստանան իրենց պատվերները ոչ միայն արագ, այլև իրենց կյանքի ռիթմին համապատասխան», — նշել է Wildberries-ի Հայաստանի տարածաշրջանային տնօրեն Դավիթ Միրզոյանը։
Էքսպրես առաքման ծառայությունը հաճախորդներին հնարավորություն է տալիս պատվերների տրամադրման կետեր (ПВЗ) արդեն առաքված ապրանքները ստանալ անմիջապես իրենց նշած հասցեում՝ ընտրելով նաև հարմար ժամային միջակայք։ Առաքումն իրականացվում է նույն օրը՝ սովորաբար մինչև 2 ժամվա ընթացքում։
Միաժամանակ Wildberries-ի հայկական գրասենյակը հայտնում է, որ առաքման ժամկետները կրճատելու նպատակով օգտատերերը կայքում կարող են ընտրել «Տեղական պահեստից ապրանքներ» կատեգորիայից, ինչը թույլ է տալիս պատվերները ստանալ հնարավորինս կարճ ժամկետներում՝ սկսած 1 օրից։
Բացի այդ, պատվերի ձևակերպման ընթացքում հասանելի է «առաքման ժամկետ» ֆիլտրը, որի միջոցով հնարավոր է ընտրել մինչև 3 օրվա առաքմամբ ապրանքներ։