Երևանի քաղաքապետարանը լսողության խնդիրներ ունեցողների համար թեժ-գիծ է ներդրել

Երևանի քաղաքապետարանի աջակցությամբ «Հոգեկան առողջության իրազեկման նախաձեռնություն» ՀԿ-ն և «Հայաստանի խուլերի միավորումը» համատեղ մեկնարկել են «Հուզական աջակցության թեժ գիծ» ծառայությունը:

«Արմենպրես»-ին քաղաքապետարանի աշխատակազմի լրատվության վարչությունից տեղեկացրին, որ ծառայությունը ժեստերի լեզվով և բացառապես անվճար հասանելի կլինի լսողության խնդիր ունեցող այն շահառուների համար, ովքեր կունենան հուզական աջակցության կարիք։