Շվեյցարիան միացել է Ռուսաստանի դեմ պատժամիջոցների 20-րդ փաթեթին

Շվեյցարիայի Դաշնային խորհուրդը հայտարարել է Ռուսաստանի դեմ ԵՄ պատժամիջոցների 20-րդ փաթեթով ընդունված միջոցառումներին հավատարիմ մնալու մասին։

«115 նոր անհատ, ընկերություն և կազմակերպություն ակտիվների սառեցման և ակտիվների կամ տնտեսական ռեսուրսների տրամադրման արգելքի տակ են։ Այս անձանց նաև արգելվում է մուտք գործել կամ տարանցիկ կերպով անցնել Շվեյցարիա», - ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին  ասվում է հաղորդագրության մեջ։

Նշվում է, որ, ի թիվս այլոց, այդ ցանկում են նաև Ռուսաստանի ռազմարդյունաբերական համալիրին կամ էներգետիկ ոլորտին պատկանող ֆիզիկական և իրավաբանական անձինք։