3 րոպեի ընթերցում
ԱՆՈՆՍ
22 մայիս, 2026
ՀՀ ԱԺ
Ժամը 09:30-ին Ազգային ժողովի 414 սրահում նիստ կհրավիրի Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը։
Պետական կառույցներ
Ժամը 12:00-ին Մատենադարան կայցելեն ՀՀ էկոնոմիկայի նախարարության Զբոսաշրջության կոմիտեի ներկայացուցիչներն ու զբոսաշրջային ոլորտի մի շարք կազմակերպությունների և տուրօպերատոր ընկերությունների ներկայացուցիչներ։ Այցի շրջանակում հյուրերին կներկայացվեն Մատենադարանում վերջին տարիներին իրականացված բարեփոխումները և ենթակառուցվածքային արդիականացումները, մասնավորապես՝ անվտանգության և պահպանության նպատակով ներդրված տեսահսկման նորագույն համակարգերը, Մատենադարանի հարակից այգու և խանութային հատվածի նախագծերը, ինչպես նաև «Մատենից» արքայական բալասանը։
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Գնահատման և թեստավորման կենտրոնի տնօրենի տեղակալ Կարո Նասիբյանի ասուլիսը։ Թեմա. Բուհերի ընդունելության 2-րդ փուլի հայտագրման գործընթացի արդյունքների ամփոփում։
Ժամը 14:00-ին ՊԵԿ-ի Արարատյան մաքսատանը (Իսակովի պողոտա) ԱՄՆ-ի դեսպանատան հետ համագործակցությամբ կբացվի ՊԵԿ մոնիտորինգային կենտրոն:
Ժամը 20:00-ին Հանրային ռադիոյի վարչական շենքի բակում կկայանա Հայկական ռադիոյի հիմնադրման 100-ամյակին նվիրված հանդիսավոր երեկո:
Կուսակցություններ, ՀԿ-ներ, միջազգային կազմ-ներ
Ժամը 19:00-ին «Էլիտ Պլազա բիզնես կենտրոնում (Խորենացի 15) տեղի կունենա քաղաքական գիտությունների դոկտոր, տեխնիկական գիտությունների թեկնածու Հրաչյա Արզումանյանի և Հայաստանի ամերիկյան համալսարանի դասախոս, մասնագիտացած անվտանգության, հետախուզության և ռազմավարական ուսումնասիրությունների ոլորտում Արմինե Արզումանյանի «Ազգային անվտանգության տեխնոլորտ» գրքի շնորհանդեսը։ Գիրքը լույս է տեսել կամավորների ու նվիրատուների ջանքերով՝ «Բարձունք» կրթական շարժման «ԳրքԱրար» նախաձեռնության շրջանակում և անդրադառնում է ժամանակակից աշխարհի կարևորագույն մարտահրավերներից մեկին՝ տեխնոլոգիական փոփոխությունների ազդեցությանը ազգային անվտանգության, պետությունների զարգացման և ապագայի մրցունակության վրա։ Շնորհանդեսի ընթացքում կներկայացվի գրքի հիմնական գաղափարախոսությունը, ինչպես նաև կքննարկվեն Հայաստանի անվտանգային և տեխնոլոգիական զարգացման հեռանկարները։ Միջոցառմանը կմասնակցեն կրթական, տեխնոլոգիական, հանրային և փորձագիտական ոլորտների ներկայացուցիչներ։ +374 55558580