1 րոպեի ընթերցում
Չինաստանի արտաքին գործերի նախարարությունը պաշտոնապես հաստատել է, որ ԱՄՆ նախագահ Դոնալդ Թրամփը պետական այցով Չինաստանում կլինի մայիսի 13-15-ը։ «Արմենպրես»-ի փոխանցմամբ՝ այս մասին հաղորդում է Xinhua գործակալությունը։
Լրատվամիջոցը նշում է, որ այցի մասին մայիսի 11-ին հայտարարել է Չինաստանի արտգործնախարարության խոսնակը։
Ավելի վաղ ամերիկյան կողմը հաղորդել էր, որ Թրամփի այցը Չինաստան պլանավորված է մայիսի 14-15-ը։
Սա կդառնա ԱՄՆ գործող նախագահի առաջին ուղևորությունը Չինաստան 2017 թվականից ի վեր։
Թրամփի այցը Չինաստան պետք է տեղի ունենար մարտի 31-ից ապրիլի 2-ը, սակայն նրա ուղևորությունը հետաձգվել էր Իրանի դեմ հակամարտության պատճառով։