6 րոպեի ընթերցում
ԱՆՈՆՍ
07 մայիս, 2026
ՀՀ ԱԺ
Ժամը 10։00-ին Ազգային ժողովի նիստերի դահլիճում կշարունակվի հերթական նիստը։
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 10:00-ին Երեւանի քաղաքապետարանում գումարվելու է Երևան քաղաքի ավագանու 6-րդ նստաշրջանի 4-րդ նիստը: Կից՝ օրակարգի հղումը. https://www.yerevan.am/hy/announcement/haytararowt-yown-497/
Ժամը 15:00-ին ԿԸՀ վարչական շենքում մամուլի ասուլիսով հանդես կգա ԿԸՀ նախագահ Վահագն Հովակիմյանը: Թեման՝ նախընտրական քարոզչության կանոններ: ԿԸՀ շենք գալու համար հավատարմագրում պետք չէ, պարզապես ներկայացուցիչները պետք է ունենան իրենց ԶԼՄ-ն հավաստող վկայականներ:
Ժամը 15:00-ին Ռադիոտանը /Ալեք Մանուկյան 5, 3-րդ հարկ/ Հանրային ռադիոն հրավիրում է մասնակցելու Հայկական ռադիոյի 100-ամյակին նվիրված մամուլի ասուլիսին: Ասուլիսին մասնակցելու համար անհրաժեշտ է ներկայանալ պաշտոնական մամուլի բեյջով (լրատվամիջոցի կնիքով կամ թղթակցի ID քարտով): Հեռ: 099 79 89 82:
Նախարարություններ
Ժամը 16։00-ին Կոմիտասի թանգարան-ինստիտուտում (հասցե` Արշակունյաց պողոտա 28) կմեկնարկի «Հայաստան-ԵՄ մշակութային երկխոսություն-2026» խորագրով աշխատաժողովը:Աշխատաժողովի բացմանը ներկա կլինեն և ողջույնի խոսքով հանդես կգան ԿԳՄՍ նախարար Ժաննա Անդրեասյանը և Հայաստանում ԵՄ պատվիրակության ղեկավար, դեսպան Վասիլիս Մարագոսը:Միջոցառումը համախմբելու է Հայաստանի և Եվրոպական միության մշակութային ոլորտի առանցքային դերակատարներին՝ քննարկելու ՀՀ մշակույթի պահպանության, զարգացման և հանրահռչակման 2023-2027 թվականների ռազմավարության իրականացման ընթացքը, Հայաստան–ԵՄ մշակութային համագործակցության հնարավորությունները, ինչպես նաև մշակութային տուրիզմին, ստեղծարար կրթությանն ու մշակութային նախաձեռնությունների զարգացմանը վերաբերող հարցեր: Կներկայացվի նաև ԵՄ կողմից մշակույթի ոլորտին ցուցաբերվող և նախատեսվող աջակցությունը։Քննարկումներին կմասնակցեն ոլորտային կառույցների և ծրագրերի ներկայացուցիչներ։
Կուսակցություններ, ՀԿ-ներ, միջազգային կազմ-ներ
Ժամը 11:30-ին «Դաբլթրի բայ Հիլթն» հյուրանոցում (Գրիգոր Լուսավորիչ 4/2) տեղի կունենա «Լուսավոր Հայաստան» կուսակցության նախագահ Էդմոն Մարուքյանի, պատգամավորւթյան թեկնածուներ՝ Կարպիս Փաշոյանի, Շուշան Ավագյանի մասնակցությամբ ասուլիսը։ Ասուլիսի ժամանակ մասնակիցները կներկայացնեն քարոզարշավի ժամանակ տարածվելիք մի շարք պրոդուկտները և կխոսեն կուսակցության հետագա անելիքների մասին։ +37498474816:
Ժամը 12:00-ին «Էլիտ Պլազա» բիզնես կենտրոնի «Քըրքորյան» դահլիճում տեղի կունենա Հայ ազգային կոնգրեսի նախընտրական ծրագրի շնորհանդեսը:
ԲՈՒՀ-եր, կրթական հաստատություններ
Ժամը 14:00-ին ԵՊՀ Արևելագիտության ֆակուլտետում (Երկանյան սրահ, 2-րդ հարկ, 216 սենյակ) տեղի կունենա լիբանանցի գործարար եւ հեղինակ Նիկոլաս Աբու Ֆեյսալի «Հայաստան. մահ եւ վերականգնված կյանք» գրքի շնորհանդեսը՝ կազմակերպված Լիբանանի դեսպանատան կողմից։
Մամուլի ակումբներ
Ժամը 12:00-ին Մեդիա կենտրոնում կանցկացվի երկու քննարկում՝ 1. Թեմա՝ «Մամուլի ազատության նահանջը. պատճառները»։ Բանախոսներ՝ Երևանի մամուլի ակումբի նախագահ Արթուր Պապյան, Ampop.am մեդիա հարթակի հիմնադիր և գլխավոր խմբագիր Սուրեն Դեհերյան: 2. ժամը 13:00-ին՝ Թեմա. «Ընտրությունները խոցելի խմբերի համար և ԶՈՒ-ում»: Բանախոսներ՝ Կենտրոնական ընտրական հանձնաժողովի անդամ Արուսյակ Տերչանյան, Հելսինկյան քաղաքացիական ասամբլեայի Վանաձորի գրասենյակի ծրագրերի ղեկավար Վարդինե Գրիգորյան, «Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյան:
Մշակույթ
Ժամը 12:15-ին Ալ.Սպենդիարյանի անվան օպերայի և բալետի ազգային ակադեմիական թատրոնի հարակից պուրակում՝ կոմպոզիտորի շիրմի մոտ, կկայանա խնկարկման արարողություն՝ նվիրված կոմպոզիտորի հիշատակին։ Մայիսի 7-ը Ալեքսանդր Սպենդիարյանի հիշատակի օրն է։ Կհնչի Լևոն Խոջա-Էյնաթյանի «Թաղման երգ»՝ «Անմոռանալի ուսուցիչ Ալ.Սպենդիարյանի պայծառ հիշատակին» (1928 թ.) ստեղծագործությունը (առաջին անգամ՝ 98 տարի անց): Կատարում է «Վասիլի Կանդինսկի» քառյակը։
Ժամը 18:00-ին Երևան քաղաքի պատմության թանգարանում (Երևանի քաղաքապետարան, Արգիշտի փ.1/1) Երևանի «Պոնտի» հունական համայնքի և ԵՊՀ Հունագիտության կենտրոն-գրադարանը կազմակերպում է «Հունաստանը իմ աչքերով» խորագրով լուսանկարչական ցուցահանդես: Ցուցահանդեսը ներկայացնում է Հայաստանի տարբեր քաղաքացիների կողմից ներկայացված լուսանկարները, որոնք իրենց պատկերներով և զգացողություններով բացահայտում են Հունաստանը՝ նրա բնությունը, մշակույթը և պատմական ժառանգությունը։ Երևանի «Պոնտի» հունական համայնք:
Ժամը 19:00-ին Հակոբ Պարոնյանի անվան թատրոնում տեղի կունենա Ստաս Նամինի «Ծաղիկներ» (Цветы) խմբի մեծ հոբելյանական համերգը։