1 րոպեի ընթերցում
Եմենի ափերի մոտ առևանգվել է Տոգոյի դրոշի ներքո նավարկող նավթատարը։
«Արմենպրես»-ի հաղորդմամբ՝ այս մասին հայտնել է տեղական ափային պահպանությունը։
«Եմենի հարավ-արևելքում գտնվող Շաբվա քաղաքի ափերի մոտ զինված անձինք բարձրացել են «M/T EUREKA» նավթատարը և ուղղություն վերցրել դեպի Ադենի ծոց՝ Սոմալի», - հայտնել է ափային պահպանությունը։
Նավը որոնելու համար ուղարկվել են պարեկային նավակներ և համակարգման նպատակով կապ է հաստատվել Ադենի ծոցի միջազգային գործընկերների ու համապատասխան մարմինների հետ։
Նշվում է, որ տանկերի գտնվելու վայրը հաջողությամբ որոշվել է և սկսվել է փրկարարական գործողություն։