3 րոպեի ընթերցում
ԱՆՈՆՍ
30 ապրիլ, 2026
ՀՀ կառավարություն
Ժամը 11։00-ին տեղի կունենա ՀՀ կառավարության նիստը։
ՀՀ նախարարություններ
Ժամը 12։00-ին DoubleTree by Hilton Yerevan City Centre հյուրանոցի «Միլանո» սրահում (հասցե՝ ք. Երևան, Սուրբ Գրիգոր Լուսավորիչ 4/2 շենք) տեղի կունենա Հայաստանի Հանրապետությունում անասնաբույժի օրվան նվիրված՝ «Անասնաբույժը՝ առողջ հասարակության պահապան» խորագրով համաժողովը։
Այս տարի միջոցառումը կազմակերպվել է ՀՀ էկոնոմիկայի նախարարության և «Ռազմավարական զարգացման գործակալություն» ՀԿ-ի կողմից` «Նորարարական անասնապահություն․ կենդանիների նախրաքաշ, բուծում և շուկաներ» (INLIMA) ծրագրի աջակցությամբ:
Սիրով հրավիրում ենք Ձեզ ներկա գտնվելու և լուսաբանելու միջոցառումը։
Մամուլի ակումբներ
Ժամը 12:00-ին Մեդիա կենտրոնում կանցկացվի քննարկում՝ «Բռնությունը՝ Զինված ուժերում. պետության պատասխանատվությունը» թեմայով։
Բանախոսներ՝
- Վանուհի Կարապետյան, ՀՀ մարդու իրավունքների պաշտպանի աշխատակազմի զինծառայողների և նրանց ընտանիքների անդամների իրավունքների պաշտպանության բաժնի պետ,
- Աննա Մելիքյան, «Իրավունքների պաշտպանություն առանց սահմանների» ՀԿ:
Ժամը 13:30-ին Մեդիա կենտրոնում կանցկացվի քննարկում՝ «Խնդիրներ ՀՀ քրեակատարողական հիմնարկներում» թեմայով։
Բանախոսներ՝
Սերգեյ Գաբրիելյան, ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդների խմբի ղեկավար:
Դիտորդների խմբի անդամներ՝
Արման Սահակյան, Շուշան Խնկոյան, Մհեր Կարագոզյան:
Քննարկումը հեռարձակվելու է առցանց՝ Մեդիա կենտրոնի յություբյան ու ֆեյսբուքյան հարթակներում։
Լրագրողների մուտքն ազատ է։
Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։
Մշակույթ
Ժամը 18։30-ին Հայաստանի ազգային պատկերասրահը սիրով հրավիրում է Ձեզ ներկա գտնվելու Արշիլ Գորկու ստեղծագործության ներկայացմանը և «Արշիլ Գորկի. Նյու Յորք – Երևան. Նոր ձեռքբերում» ցուցահանդեսի շրջայցին:
Ժամը 19։30-ին Արամ Խաչատրյան համերգասրահում կկայանա Ֆրանկոֆոնիայի երկամսյակի եզրափակիչ գալա համերգը՝ Հայաստանի պետական կամերային նվագախմբի մասնակցությամբ։ Երաժշտական ծրագրի առանցքում Ժորժ Բիզեի երաժշտության հիման վրա Ռոդիոն Շչեդրինի հանրահայտ «Կարմեն սյուիտ»-ն է:
Ժամը 20:30-ին «Ռեհան» ռեստորանում (Իսահակյան 46/1) տեղի կունենա Վիգեն Ջակոկաջյանի՝ «Երբ ծաղկում է ծիրանենին» գրքի շնորհանդեսը: Սպասվում է հրաշալի երևանյան երեկո՝ 1970-ականների ոճով։ Երևանյան ռիթմեր, երևանյան բուրմունք, հաճելի մթնոլորրտ:Կազմակերպիչներ՝ Newmag հրատարակչություն, «Շարմ» ընկերություն, «Վերածնունդ» հիմնադամ։