3 րոպեի ընթերցում
ԱՆՈՆՍ
23 ապրիլ, 2026
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 12:00-ին Հայոց ցեղասպանության թանգարան-ինստիտուտում տեղի կունենա «Փաստագրելով հանցագործությունը. Հայոց ցեղասպանությունը վերապրողների առաջին վավերագրումները» խորագրով ժամանակավոր ցուցադրության բացումը: Կներկայացվեն դեռևս Հայոց ցեղասպանության տարիներին (1915-1923թթ.) հայ անհատների, հայկական հոգևոր, հասարակական-քաղաքական կառույցների փաստահավաք աշխատանքները՝ փաստագրման և արխիվային հիմնական կենտրոններով: Ցուցադրության մեջ ներկայացված են Հայոց ցեղասպանության վերաբերյալ վաղ հուշագրություններ, օրագրություններ, ֆոտո-դոկումենտալ նյութեր և այլն: ՀՑԹԻ արտաքին կապերի և լրատվության բաժին, +374 10 39 09 81:
Ժամը 16:00-ին Հայաստանի պատմության թանգարանում տեղի կունենա «Դիլդիլյաններ. լուսանկարչական ժառանգություն Սփյուռքից» խորագրով ցուցահանդեսի բացման արարողությունը՝ նվիրված Հայոց ցեղասպանության 111-րդ տարելիցին։ Դեռ 19-րդ դարից Դիլդիլյանների մի քանի սերունդների ներկայացուցիչներ Օսմանյան կայսրության տարբեր քաղաքներում զբաղվել են լուսանկարչությամբ, ապա բռնագաղթից հետո հաստատվել Հունաստանում և ԱՄՆ-ում, որտեղ ևս շարունակել են իրենց գործունեությունը։ Ցուցահանդեսը կազմակերպվել է թանգարանի և Դիլդիլյան ընտանիքի ժառանգորդ, Հարավային Կոնեկտիկուտ համալսարանի փիլիսոփայության բաժնի պրոֆեսոր Արմեն Մարսուբյանի հետ համագործակցությամբ։ +374 43 54 51 79:
Ժամը 16:00-ին ՀՀ ԳԱԱ Հնագիտության և ազգագրության ինստիտուտի ընթերցասրահում (Չարենցի 15) «Բանագիտական քննարկումներ»-ի շրջանակում տեղի կունենա «Արևմտահայոց բռնի թուրքախոսությունը Օսմանյան կայսրությունում և թուրքալեզու բանահյուսությունը (ըստ 1955-2025 թթ. Վերժինե Սվազլյանի գրառած ու ձայնագրած նյութերի)» բանախոսությունը: Բանախոս՝ պ.գ.դ. Վերժինե Սվազլյան: ․
Կուսակցություններ, ՀԿ-ներ, միջազգային կազմ-ներ
Ժամը 10:30-ին «Լուսավոր Հայաստան» կուսակցությունը Կենտրոնական ընտրական հանձնաժողով կներկայացնի ԼՀԿ ընտրական փաստաթղթերը։
Ժամը 15:00-ին «Հայաստան» դաշինքը Կենտրոնական ընտրական հանձնաժողով կներկայացնի ընտրությունների առաջադրման փաստաթղթերը։
Ժամը 20:00-ից Հանրապետության հրապարակից կմեկնարկի ավանդական ջահերով երթը դեպի Ծիծեռնակաբերդի հուշահամալիր:
Մշակույթ
Ժամը 14:00-ին ՀԳՄ կլոր սրահում տեղի կունենա Նորայր Խրիմյանի «Արևշատ Ավագյանի մշակութային աշխարհում» գրքի շնորհանդեսը: