4 րոպեի ընթերցում
ԱՆՈՆՍ
22 ապրիլ, 2026
Պետական կառույցներ
Ժամը 11:00-ին «Իբիս Երևան կենտրոն» հյուրանոցի «Արարատ» սրահում Հանրային կապերի և տեղեկատվության կենտրոնը կազմակերպում է կլոր սեղան-քննարկում։ Քննարկման ընթացքում ՀՀ վարչապետի մամուլի քարտուղար Նազելի Բաղդասարյանը կներկայացնի Կառավարության իրականացրած ուսումնասիրություններն ու գործողությունները ապատեղեկատվական արշավների դեմ։ Հանդիպման շրջանակում ՀԿՏԿ տնօրեն Գոռ Ծառուկյանը կներկայացնի կենտրոնի կողմից ստեղծված «Stugel.am» կոնտենտի ստուգման նոր հարթակը։ Կքննարկվեն հնարավոր համագործակցության ձևաչափերը։ ՀԿՏԿ տնօրեն Գոռ Ծառուկյան, 060 407040:
Ժամը 14:00-ին ՀՀ ԳԱԱ Գիտակրթական միջազգային կենտրոնի դահլիճում (Մ.Բաղրամյան 24/6, 10-րդ հարկ) կանցկացվեն «Պետականությունը և նրա ձևերը Հայաստանում ու հարակից երկրներում» և «Ինքնություն, պետականաշինություն, միֆաստեղծում. էթնոքաղաքական գործընթացների վայրիվերումները Հարավային Կովկասում 20-րդ դարում» միջազգային աշխատաժողովները։ Կազմակերպիչներ՝ «Գեղարդ» գիտավերլուծական հիմնադրամ, ՀՀ ԳԱԱ Գիտակրթական միջազգային կենտրոն և Լեհաստանի Սեդլցեի համալսարան։ Ժամը 14։00-ին կմեկնարկի «Պետականությունը և նրա ձևերը Հայաստանում ու հարակից երկրներում» աշխատաժողովը։ Իսկ 16։30-ին կմեկնարկի «Ինքնություն, պետականաշինություն, միֆաստեղծում․ էթնոքաղաքական գործընթացների վայրիվերումները Հարավային Կովկասում 20-րդ դարում» աշխատաժողովը։ Աշխատաժողովների ընթացքում զեկուցումներով հանդես կգան առաջատար մասնագետներ. Հայաստանից, Վրաստանից և Լեհաստանից։ ՀՀ ԳԱԱ:
Կուսակցություններ, ՀԿ-ներ, միջազգային կազմ-ներ
Ժամը 09:30-ին «Արմենիա Մարիոթ» հյուրանոցի «Տիգրան Մեծ» սրահում կկայանա կայուն զարգացման հարցերին նվիրված Մեդիամաքս մեդիա ընկերության ամենամյա կոնֆերանսը: Բացման խոսք՝ Մեդիամաքսի տնօրեն Արա Թադեւոսյան: 09:35-ին՝ Ջոն Հոբսի անվան կենսաբազմազանության պահպանության մրցանակի պրեզենտացիա, ԶՊՄԿ-ի կայուն զարգացման տնօրենի տեղակալ Աննա Սաղաբալյան: 09:40-ից՝ պանելային քննարկումներ. «Բիզնեսը, բնությունը եւ կենսաբազմազանությունը. հակադրությու՞ն, թե՞ գործակցության հնարավորություն»:
Ժամը 14:00-ին ԵՊՀ աստվածաբանության ֆակուլտետում /Աբովյան 52/ կկայանա «Իրանի Իսլամական Հանրապետության հոգևոր առաջնորդ Ալի Խամենեիի քաղաքական, կրոնական և սոցիալական գաղափարների վերընթերցումը» խորագրով մասնագիտական աշխատաժողով։
Մամուլի ակումբներ
Ժամը 12:00-ին Մեդիա կենտրոնում կանցկացվի քննարկում՝ «Պատերա՞զմ, թե՞ խաղաղություն. ԱԺ նախընտրական շրջանում ի՞նչ են առաջարկում քաղաքական ուժերը» թեմայով։ Բանախոսներ՝ քաղաքագետ, իրանագետ Արմեն Վարդանյան, քաղաքագետ, «Հայկական խորհուրդ» մտակենտրոնի փորձագետ Էդգար Վարդանյան:
Մշակույթ
Ժամը 18:00-ին Ժամանակակից արվեստի թանգարանում կկայանա Ռուբեն Բաբայանի և Ռուզաննա Խալաթյանի «Հույզեր, լռություն և ժամանակ» ցուցահանդեսի բացումը։ Ներկայանալով մեկ ցուցահանդեսի շրջանակներում՝ արվեստագետները միաձուլում, միավորում են մի ներքին հոսքի մեջ գեղանկարչությունը և գոբելենը՝ արտահայտելով համատեղ ապրած ժամանակի, տեսածի, զգացածի և լռության մեջ հասունացած մտքերը:
Ժամը 19:30-ին «Կոնդ Հաուս»-ում կկայանա մեդիամանիպուլացիայի մասին կինոդիտում-քննարկում։ Andranik Zatikyan: