1 րոպեի ընթերցում
Չինաստանը մտահոգություն է հայտնել Միացյալ Նահանգների կողմից իրանական դրոշի ներքո նավարկող բեռնատար նավի կալանման առնչությամբ ՝ կոչ անելով բոլոր կողմերին պատասխանատու կերպով պահպանել հրադադարի համաձայնությունը։
«Հորմուզի նեղուցում իրավիճակը զգայուն է և բարդ», - Reuters-ի փոխանցմամբ, ասել է Չինաստանի արտաքին գործերի նախարարության խոսնակ Գուո Ցզյակունը։
Ինչպես հաղորդում է «Արմենպրես»-ը, նա նշել է, որ ներգրավված կողմերը պետք է խուսափեն հետագա սրացումից և «ստեղծեն անհրաժեշտ պայմաններ նեղուցով բնականոն տարանցման վերսկսման համար»։
Ավելի վաղ ԱՄՆ-ն հայտարարել էր, որ կրակ է բացել և կալանել է իրանական բեռնատար նավ, որը փորձել է խախտել իրանական նավահանգիստների շրջափակումը։ Իրանի զինված ուժերը հայտարարել են, որ նավը Չինաստանից էր ուղևորվում և խոստացել են հակահարված տալ «ամերիկյան զինված ուժերի զինված ծովահենությանը»։