1 րոպեի ընթերցում
ԱՆՈՆՍ
20 ապրիլ, 2026
Պետական կառույցներ
Ժամը 09։30-ին տեղի կունենա Երևանի քաղաքապետարանի գործակարգավարական նիստը։
ԲՈՒՀ-եր, կրթական հաստատություններ
Ժամը 14:00-ին Ճարտարապետության և շինարարության Հայաստանի ազգային համալսարանում նախատեսվում է իրականացնել հայտնի ճարտարապետ Ջիմ Թորոսյանի հարյուրամյակին նվիրված միջոցառում։ Միջոցառման ընթացքում նախատեսվում է վկայականներ հանձնել Մանուկ Աբեղյանի անվան համալսարանական դպրոցի այն աշակերտներին, որոնք մասնակցել են ճարտարապետության մասնագիտական կողմնորոշման ծրագրով անցկացված քառօրյա աշխատանքային սեմինարին, ինչպես նաև Ջիմ Թորոսյանի անվան մեդալներ շնորհել համալսարանի մի շարք դասախոսների։ Միջոցառման շրջանակներում նախատեսվում է նաև այցելել առաջին կուրսի ուսանողների՝ «Ծավալատարածական հորինվածք» առարկայի շրջանակում իրականացված մակետների ցուցահանդեսը։ Միջոցառման ծրագիրը. 14։00-ին՝ հանդիպում ռեկտորատի դահլիճում, միջոցառման բացում, ելույթներ, վկայագրերի և մեդալների շնորհում։ 14։45-ին՝ այց Ջիմ Թորոսյանի 100 ամյակին նվիրված ուսանողների մակետների և հեղինակի ճարտարապետական էսքիզների ցուցահանդեսներին, երկրորդ հարկի միջանցք և 2205 լսարան։