2 րոպեի ընթերցում
ԱՆՈՆՍ
19 ապրիլ, 2026
Կուսակցություններ, ՀԿ-ներ, միջազգային կազմ-ներ
Ժամը 10:00-ին «Արմենիա Մարիոթ» հյուրանոցում «Հայկական խորհուրդ»-ը հրավիրում է մասնակցելու Անվտանգության երևանյան I համաժողովին։ Համաժողովի քննարկման գլխավոր թեման Հայաստանի ինքնիշխանության պաշտպանությունն է ներկայիս տարածաշրջանային և միջազգային զարգացումների համատեքստում։ Միջոցառման ընթացքում բանախոսները կքննարկեն անվտանգային ոլորտի հիմնախնդիրները, մարտահրավերներն ու դրանց հնարավոր լուծումները, կկիսվեն իրենց մասնագիտական փորձառությամբ ու օրինակներով։ Բացման խոսք՝ «Հայկական խորհուրդ» հետազոտական կենտրոն» ՀԿ ղեկավար Արեգ Քոչինյան:
Ժամը 14:00-ին «DoubleTree by Hilton» հյուրանոցում (Գրիգոր Լուսավորիչի 4/2) կկայանա «Հանուն Հանրապետության» ժողովրդավարության պաշտպանների դաշինք կուսակցության (ԺՊԴԿ) արտահերթ համագումարը։ Համագումարի ընթացքում կընդունվի կուսակցության՝ առաջիկա խորհրդարանական ընտրություններին մասնակցելու վերաբերյալ որոշումը, ինչպես նաև համագումարի հաստատմանը կներկայացվի կուսակցության ընտրական ցուցակի առաջին 30 թեկնածուների կազմը։ Համագումարի ավարտից հետո նախատեսվում է ճեպազրույց: 098-883515:
ԲՈՒՀ-եր, կրթական հաստատություններ
Ժամը 11:00-ից Ա.Շահինյանի անվան ֆիզմաթ հատուկ դպրոցում կկայանա Ռոբոտաշինության հանրապետական օլիմպիադան, որը միավորում է Հայաստանի տաղանդավոր դպրոցականներին և երիտասարդ ինժեներներին։ Մրցույթը կազմակերպվում է «Հայաստանի ռոբոտաշինության միություն» գիտակրթական ՀԿ-ի կողմից՝ Ֆիզմաթ դպրոցի և «Ֆիզմաթ դպրոցի բարեկամ» հիմնադրամի հետ համագործակցությամբ։ 098 528088: