3 րոպեի ընթերցում
ԱՆՈՆՍ
16 ապրիլ, 2026
ՀՀ ԱԺ
Ժամը 10։00-ից կշարունակվի ԱԺ հերթական նիստի աշխատանքը։
Ժամը 13:10-ին Ազգային ժողովի այգում՝ հայ-ճապոնական սակուրաների ճեմուղում /մուտքը՝ Բաղրամյան 19-ից/ կկայանա «Հանամի-2026» մշակութային միջոցառումը: Ճապոնիայի խորհրդանիշ համարվող սակուրաների տնկարկումը հայկական հողում, մասնավորապես, ՀՀ ԱԺ այգում տեղի է ունեցել 2015 թվականի մայիսին՝ ի նշան հայ և ճապոնացի ժողովուրդների դարավոր բարեկամության, միմյանց հանդեպ տածած հարգանքի: Միջոցառմանը ներկա կլինի նաև Հայաստանում Ճապոնիայի դեսպան ԱՈԿԻ Յուտական: Կան մշակութային անակնկալներ: Միջոցառման կազմակերպիչներ. ՀՀ ԱԺ Հայաստան-Ճապոնիա բարեկամական խումբ, ղեկավար Բաբկեն Թունյան, «Արումենիա-Նիպոն» հայ-ճապոնական գիտամշակութային միություն ՀԿ, նախագահ Աննա Վարդանյան: Անձը հաստատող փաստաթղթի առկայությունը պարտադիր է: «Արումենիա-Նիպոն» , +37491431269:
Կուսակցություններ, ՀԿ-ներ, միջազգային կազմ-ներ
Ժամը 10:00-ին «Դասավանդի՛ր հանուն Հայաստանի» հիմնադրամում (Մելիք-Ադամյան փողոց 2/1) կկայանա կրթական ոլորտում կարևոր և խորհրդանշական իրադարձություն՝ «Կորիզ» կրթական ծրագրի և «Դասավանդի՛ր հանուն Հայաստանի» (Teach For Armenia) հիմնադրամի միջև փոխըմբռնման հուշագրի ստորագրման հանդիսավոր արարողությունը։ Միջոցառման ընթացքում առաջին անգամ հանրությանը կներկայացվի «Տարվա ուսուցիչ 2026» նոր լայնամասշտաբ նախաձեռնությունը։
Ժամը 14:30-ին ՀՀ վարչական դատարանում (Նժդեհի 23) տեղի կունենա Հայաստանի գրողների միության՝ Ծաղկաձորի ստեղծագործական տան անշարժ գույքի՝ վերաբերյալ դատական նիստ:
Ժամը 16:00-ին Կառավարության շենքի դիմաց բողոքի ցույց, ընտրությունների վերաբերյալ։ ԱԻՄ Լրատվական:
Ժամը 19:00-ին «Կոնգրես» հյուրանոցում տեղի կունենա «Հայաստան» դաշինքի նախընտրական ծրագրի կրթության, գիտության, մշակույթի և սփյուռքի բաժնի ներկայացումը։
Մշակույթ
Ժամը 16:00-ին Գրականության և արվեստի թանգարանում (Արամի 1) Հայ կինոյի օրը՝ ապրիլի 16-ին կբացվի «Էդմոնդ Քեոսայան-90» խորագրով նոր ցուցադրությունը: (374 10) 563641:
Սպորտ
Ժամը 17:00-ին Օլիմպավանում կկայանա Ազատ ոճի ըմբշամարտի Հայաստանի հավաքականի բաց մարզումը: