2 րոպեի ընթերցում
ԱՆՈՆՍ
11 ապրիլ, 2026
Պետական կառույցներ
Ժամը 12:00-ից Ալ.Սպենդիարյանի անվան օպերայի և բալետի ազգային ակադեմիական թատրոնի առաջին հարկի նախասրահում տեղի կունենա «USOOMFest 2026» կրթական էքսպո-ցուցահանդեսը, որն առաջին անգամ կազմակերպում է «London Eye ITC» ՍՊԸ-ն։ Միջոցառումը կանցկացվի երկու ձևաչափով՝ Օպերայի նախասրահում և բակային տարածքում: Բացման խոսքով հանդես կգան Ճարտարապետության ու շինարարության Հայաստանի ազգային համալսարանի, Հայաստանում ֆրանսիական համալսարանի, Ռուս-հայկական համալսարանի «Ավիաուսումնական կենտրոն»-ի, «Հայ շվեյցարական հյուրընկալության ակադեմիա»-ի ղեկավար կազմի ներկայացուցիչները, որին կհաջորդի Երևանի Կոմիտասի անվան պետական կոնսերվատորիայի ժողովրդական նվագախմբի կարճ ելույթը և էքսպոյի մեկնարկը կտրվի։ Կազմակերպիչ Սերգեյ Քոչարյանի փոխանցմամբ՝ ցուցահանդեսին մասնակցող շուրջ երկու տասնյակ հաստատությունների թվում են ինչպես բազմապրոֆիլ բուհեր, այնպես էլ նեղ մասնագիտական ուսումնական հաստատություններ ու առաջատար դպրոցներ: Այցելուները հնարավորություն կունենան ծանոթանալ ավիացիայի, ճարտարապետության, դիզայնի և այլ ոլորտների արդիական ծրագրերին, մասնակցել հետաքրքիր ու ժամանցային խաղերի և հետևել ցուցադրական ելույթների: