Լիտվայի վարչապետն աջակցություն է հայտնել Հայաստանի ու Ադրբեջանի միջև խաղաղության գործընթացին

Լիտվան վճռականորեն աջակցում է Հայաստանի և Ադրբեջանի միջև երկարատև խաղաղության հասնելու ջանքերին։

«Արմենպրես»-ի հաղորդմամբ՝ այս մասին X-ի իր միկրոբլոգում արած գրառման մեջ նշել է Լիտվայի վարչապետ Ինգա Ռուգինիենեն։

Thank you @presidentaz Ilham Aliyev for the warm welcome to Baku.

It is a pleasure to have the opportunity to further develop relations between Lithuania and Azerbaijan.

Lithuania supports closer EU-Azerbaijan ties to strengthen security, stability, and economic prosperity for… pic.twitter.com/SHI4fwoXPX

— Inga Ruginienė (@IRuginiene) April 9, 2026

«Լիտվան վճռականորեն աջակցում է Հայաստանի և Ադրբեջանի միջև երկարատև խաղաղության հասնելու ջանքերին, ողջունում է ձեռք բերված առաջընթացն ու պաշտպանում է տարածաշրջանում կայունության շարունակականությունը»,-գրել է Ինգա Ռուգինիենեն։

Նա նաև հավելել է, որ Լիտվան աջակցում է ԵՄ-Ադրբեջան ավելի սերտ կապերին՝ երկու կողմերի համար անվտանգությունը, կայունությունը և տնտեսական բարգավաճումը ամրապնդելու, էներգետիկ համագործակցությունը՝ որպես հիմնական առաջնահերթություն սահմանելու համար։

«Աճող անկայունության և Ռուսաստանի կողմից Ուկրաինայի դեմ շարունակվող պատերազմի ժամանակաշրջանում մեր երկրների միջև համագործակցությունն ավելի կարևոր է»,-գրել է Լիտվայի վարչապետը՝ Ադրբեջանի նախագահ Իլհամ Ալիևի հետ հանդիպման վերաբերյալ գրառման մեջ։