2 րոպեի ընթերցում
ԱՆՈՆՍ
09 ապրիլ, 2026
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
ՀՀ նախարարություններ
Ժամը 13:40-ին ԱԳՆ-ում տեղի կունենա Հայաստանի և Ղազախստանի ԱԳ նախարարների առանձնազրույցը (ժ. 14:00), որին կհետևի ընդլայնված կազմով հանդիպումը (ժ. 14:30): Հանդիպման լուսաբանմանը հրավիրվում են մասնակցելու միայն ԱԳՆ 2026թ. հավատարմագրումն անցած ԶԼՄ ներկայացուցիչները (օպերատորներ և լուսանկարիչներ)՝ բացառապես ԱԳՆ հավատարմագրման քարտի առկայության պարագայում:
Մշակույթ
Ժամը 18:00-ին Հայաստանի նկարիչների միությունում կբացվի ժամանակակից հայ նկարիչ Գայ Ղազանչյանի անհատական ցուցահանդեսը՝ «ՌԵԶՈՆԱՆՍ» խորագրով։ Ցուցահանդեսը կրում է նաև հոբելյանական խորհուրդ՝ նվիրված արվեստագետի 35-ամյակին, ամփոփելով նրա ստեղծագործական ճանապարհի կարևոր փուլերն ու վերջին տարիների գաղափարական որոնումները։
Ժամը 19:00-ին ՀԲԸՄ դահլիճում (Մելիք Ադամյան 2/2) տեղի կունենա խաղաղաշինության ոլորտի հայտնի փորձագետ, իրավագիտության դոկտոր Հրայր Պալեանի՝ «Անավարտ խաղաղություն». Ղարաբաղյան հակամարտությունն ու բաց թողնված հնարավորությունները աշխատության շնորհանդեսը, որն արցախյան բանակցային ամբողջ գործընթացի վերաբերյալ միակ հայալեզու աշխատությունն է: Հատուկ շնորհանդեսի ու գրքարշավի համար հեղինակն ԱՄՆ-ից ժամանել է Հայաստան: Մեկշաբաթյա գրքարշավի շրջանակում Հրայր Պալեանը մի քանի բուհերում հանդես կգա նաև շնորհանդես-դասախոսություններով: