1 րոպեի ընթերցում
Միավորված ազգերի կազմակերպության անվտանգության խորհրդում քվեարկության արդյունքում չի ընդունվել Բահրեյնի կողմից Հորմուզի նեղուցի վերաբերյալ մշակված բանաձևը։
«Արմենպրես»-ի հաղորդմամբ՝ այս մասին հայտնում է ՌԻԱ Նովոստի-ն։
Հորմուզի նեղուցի վերաբերյալ բանաձևի նախագիծը չի ընդունվել, քանի որ ՄԱԿ-ի անվտանգության խորհրդի 5 մշտական անդամներից երկուսը՝ Ռուսաստանն ու Չինաստանն օգտվել են իրենց վետոյի իրավունքից։
Նշվում է, որ 11 երկիր կողմ է քվեարկել փաստաթղթին, երկուսը՝ ձեռնպահ։
Բանաձը կոչ է անում պետություններին համակարգել «հանգամանքներին համարժեք պաշտպանական ջանքերը»՝ նավերի անցումն ապահովելու համար։ Այն ներառում է քաղաքացիական նավերի ուղեկցումը և նեղուցը փակելու կամ արգելափակելու փորձերի կանխումը։
Փաստաթուղթը թույլատրում է կիրառել բոլոր անհրաժեշտ պաշտպանական միջոցները՝ համաչափ հանգամանքներին, այդ թվում՝ նավերի ուղեկցումը: Բանաձևը պահանջում է, որ Իրանը անհապաղ դադարեցնի առևտրային նավերի վրա հարձակումները և ազատ տեղաշարժի ցանկացած խոչընդոտ: Տեքստը շեշտում է միջազգային ծովային իրավունքի պահպանումը:
Բանաձևի տապալման կապակցությամբ ՄԱԿ-ում Արաբական Միացյալ Էմիրությունների մշտական ներկայացուցչությունը ափսոսանք է հայտնել։