3 րոպեի ընթերցում
Անոնս
04 ապրիլ, 2026
Կուսակցություններ, ՀԿ-ներ, միջազգային կազմ-ներ
Ժամը 11:30-ին «Հարսնաքար» համալիրի մեծ դահլիճում (Աճառյան փողոց, 37 շենք) կմեկնարկի Հայաստանի Հանրապետական կուսակցության 18-րդ հերթական համագումարը։ Համագումարի շրջանակում նախատեսվում է անդրադառնալ կուսակցության ընթացիկ գործունեությանը, քաղաքական առաջնահերթություններին և առաջիկա ծրագրերին։ Միջոցառման ընթացքում և ավարտին կկազմակերպվեն ճեպազրույցներ ՀՀԿ գործիչների հետ։ Լրագրողների համար կգործի հարմարավետ մամուլի կենտրոն։ +374 94 45 98 40։Մշակույթ
Ժամը 13:00-ին Woods կենտրոնում (Ազատության փող. 2-րդ գիծ՝ Ջրվեժի այգու դիմաց) տեղի կունենա Newmag-ի գլխավոր խմբագիր Գնել Նալբանդյանի «Մի՛ վախեցիր» վիպակի շնորհանդեսը, նաև ֆիլմի քննարկում՝ ի՞նչ է փոխվել այս 20 տարում։ Կմասնակցեն ռեժիսորներ Հրաչ Քեշիշյանն ու Արամ Շահբազյանը, համանուն ֆիլմի գլխավոր դերակատար, դերասան Խորեն Լևոնյանը: +374 93 316688:
Հոգեւոր
Ժամը 18:00-ին Ավագ շաբաթ, Արարատյան Հայրապետական թեմի առաջնորդանիստ Ս.Սարգիս եկեղեցում - Ճրագալույցի Ս.Պատարագ: Ժամը 19։30-ին, Արարատյան Հայրապետական թեմի առաջնորդանիստ Ս.Սարգիս եկեղեցուց կմեկնարկի ավանդական դարձած կանթեղներով երթը՝ «Հարության Ավետիս» խորագրով: Երթն իրականացվում է թեմի առաջնորդական փոխանորդ Գերաշնորհ Տ.Նավասարդ արքեպիսկոպոս Կճոյանի օրհնությամբ: Մասնակիցները Ճրագալույցի Ս.Պատարագից հետո կստանան Նավասարդ Սրբազանի օրհնությունը, ապա Մաշտոցի պողոտայով և Ամիրյան փողոցով կքայլեն դեպի Հանրապետության հրապարակ՝ Ս.Հարության ավետիսը փոխանցելով մարդկանց։ Քարե գորգի վրա կանթեղներով խաչ կձևավորվի՝ ի նշան Քրիստոսի Հրաշափառ Հարության:
Սպորտ
Ժամը 12:00-ին Մասիս քաղաքի Ֆրանկոֆոնիայի 2 հասցեում տեղի կունենա «Ֆռա-Մ» մարզական, մշակութային և առողջարարական ակումբի բացման հանդիսավոր արարողությունը: Միջոցառմանը ներկա կլինի պրոֆեսիոնալ բռնցքամարտիկ, աշխարհի բազմակի չեմպիոն Արթուր Աբրահամը, կմասնակցեն մարզական աշխարհից ներկայացուցիչներ, գործընկեր կառույցներ և ակումբի անդամներ։ Ներկայացվելու է ակումբի ստեղծման պատմությունը, նպատակները և առաջիկա ծրագրերը։ «Ֆռա-Մ» ակումբը մարզական, մշակութային և առողջարարական կառույց է։ Ակումբը նպատակադրված է Մասիսում տեղայնացնելու եվրոպական, մասնավորապես ֆրանկոֆոն երկրների մարզական և մշակութային ստանդարտներ։ «Ֆռա-Մ» ակումբը հիմնադրվել է Մասիսի զարգացման հիմնադրամի կողմից, որի հիմնադիրն է Adibekyan Family Foundation for Advancement (AFFA) բարեգործական հիմնադրամը: