1 րոպեի ընթերցում
Միացյալ Նահանգների նախագահ Դոնալդ Թրամփը ցանկանում է համաձայնագիր կնքել Իրանի հետ, և Թեհրանին հայտնի են Վաշինգտոնի պայմանները: «Արմենպրես»-ի փոխանցմամբ՝ այս մասին հայտարարել է Պենտագոնի ղեկավար Փիթ Հեգսեթը մամուլի ասուլիսում, որը հեռարձակել է Fox News-ը։
Հեգսեթի խոսքով՝ Իրանում «ռեժիմի փոփոխություն տեղի է ունեցել», և այս նոր ռեժիմը պետք է նախորդից «ավելի խելացի» գտնվի։
«Նախագահ Թրամփը կկնքի համաձայնագիր, նա ցանկանում է դա, և այդ գործարքի պայմանները նրանց (խմբ.՝ Իրանին) հայտնի են», - ասել է Հեգսեթը։
Հակառակ դեպքում, ԱՄՆ պատերազմի նախարարի խոսքով, Իրանին ավելի ուժգին հարվածներ են սպասվում։
«Եթե Իրանը չի ցանկանում, ապա Միացյալ Նահանգների պատերազմի նախարարությունը կշարունակի ավելի մեծ ինտենսիվությամբ», - ասել է նա։