2 րոպեի ընթերցում
ԱՆՈՆՍ
31 մարտ, 2026
Պետական կառույցներ
Ժամը 13:00-ին «Արմենպրես» լրատվական գործակալության ուղիղ եթերում կկայանա 9-րդ դասարանի ավարտական քննությունը էսսեի ձևաչափով անցկացնելու վերաբերյալ վեբինար հարցուպատասխան, որի ընթացքում կպարզաբանվեն նախապես ստացված, ինչպես նաև ուղիղ եթերի ընթացքում ներկայացված հարցերը։ Վեբինարի բանախոսներն են՝ ԿԳՄՍ նախարարի տեղակալ Արաքսիա Սվաջյանը, ԿԳՄՍՆ հանրակրթության վարչության պետ Թամարա Սարգսյանը, ԿԶՆԱԿ տնօրեն Ժաննա Հարությունյանը, ԿԶՆԱԿ հանրակրթության պետական չափորոշչի և ուսումնական ծրագրերի բաժնի պետ Գայանե Մկրտչյանը: Վեբինարի ուղիղ եթերին հնարավոր է հետևել ԿԳՄՍՆ ֆեյսբուքյան էջում, ինչպես նաև Արմենպրես գործակալության Յութուբի հարթակում։ ՀՀ ԿԳՄՍՆ:
Մամուլի ակումբներ
Ժամը 13:00-ին Մամուլի ազգային ակումբում (Մամուլի շենք, Արշակունյաց 4, 10-րդ հարկ) «ԶԼՄ-ները և ժողովրդավարությունը» ծրագրի շրջանակներում կկայանա հանդիպում «Հրապարակ» օրաթերթի գլխ.խմբագիր Արմինե Օհանյանի հետ: Թեմաներ՝ «Մամուլի և խոսքի ազատության խնդիրները Հայաստանում», «Դատական գործընթացներ ընդդեմ «Հրապարակի»։
Սպորտ
Ժամը 18:00-ին Ավանի ֆուտբոլի ակադեմիայում կկայանա ՈՒԵՖԱ Եվրոպայի 2025/2027 Մ-21 առաջնության որակավորման խմբային փուլը: