2 րոպեի ընթերցում
ԱՆՈՆՍ
30 մարտ, 2026
Պետական կառույցներ
Ժամը 10:00-ին «Արմենիա Մարիոթ» հյուրանոցի «Տիգրան Մեծ» սրահում ՀՀ արդարադատության նախարարությունն իրականացնում է «Պետական ռեգիստրի գործակալության նոր համակարգի հնարավորություններն ու գործառույթները» թեմայով միջոցառում: Միջոցառմանը բացման խոսքով հանդես կգան ՀՀ արդարադատության նախարար Սրբուհի Գալյանը, Մեծ Բրիտանիայի և Հյուսիսային Իռլանդիայի Միացյալ Թագավորության դեսպանության արտակարգ և լիազոր դեսպան Ալեքսանդրա Պամելա Քոուլը և Համաշխարհային բանկ գրասենյակի տնօրեն Ֆաբրիցիո Ձարկոնեն: Իրավաբանական անձանց պետական ռեգիստրի էլեկտրոնային հարթակը (e-register.moj.am) գործարկվել է 2025 թվականի դեկտեմբերի 24-ին՝ ապահովելով իրավաբանական անձանց կազմակերպաիրավական ձևերի առցանց գրանցման հնարավորություն։ Համակարգի հիմնական գործառույթներն ամբողջությամբ ներդրված են և գործարկումից ի վեր գտնվում են շահագործման մեջ։ ՀՀ ԱՆ, +374 93 13 59 20:
Մամուլի ակումբներ
Ժամը 12:00-ին Մեդիա կենտրոնում կանցկացվի քննարկում՝ «Ո՞վ է ֆինանսավորում քաղաքականությունը. ռիսկեր՝ ընտրություններից առաջ» թեմայով։ Բանախոսներ՝ հանրային ֆինանսների կառավարման մասնագետ Արտակ Քյուրումյան, քաղաքագետ, քաղաքական գիտությունների թեկնածու Տիգրան Մուղնեցյան: Քննարկումը հեռարձակվելու է առցանց՝ Մեդիա կենտրոնի յություբյան ու ֆեյսբուքյան հարթակներում։