3 րոպեի ընթերցում
ԱՆՈՆՍ
28 մարտ, 2026
Պետական կառույցներ
Ժամը 11:00-ին Ծաղկաձորում «Հայաստանում խոսքի ազատության, լրատվամիջոցների և տեղեկատվության հասանելիության խթանում» ծրագրի շրջանակում՝ ՀՀ կենտրոնական ընտրական հանձնաժողովի և Եվրոպայի խորհրդի կողմից համատեղ կազմակերպվում է «Լրատվամիջոցների դերը ընտրությունների ընթացքում» թեմայով երկօրյա աշխատաժողով: Բացում և ողջույնի խոսքեր՝ Եվրոպայի խորհրդի ավագ ծրագրի պատասխանատու Նաիրա Մելիքսեթյան, ՀՀ ԿԸՀ նախագահ Վահագն Հովակիմյան:
Ժամը 20:30-ին Հանրապետության հրապարակում WWF Հայաստանը Candlenight Concerts-ի հետ համագործակցությամբ և Երևանի քաղաքապետարանի աջակցությամբ կանցկացնի հատուկ բացօթյա միջոցառում՝ նվիրված «Երկրի Ժամ» շարժման 20-ամյա հոբելյանին։ Այս տարի Երևանի քաղաքապետարանը, ինչպես նաև Հայաստանի տարբեր համայնքներ, կմիանան «Երկրի Ժամ» շարժմանը՝ մեկ անջատելով ոչ հիմնարար լուսավորությունը, իսկ Հանրապետության հրապարակում հազարավոր մոմերի ներքո կկայանա յուրահատուկ երաժշտական ելույթ։
ԲՈՒՀ-եր, կրթական հաստատություններ
Ժամը 11:00-ին ՀՀ ԳԱԱ նախագահության շենքում ՀՀ ԿԳՄՍ նախարարության աջակցությամբ կմեկնարկի «Հայկական համադպրոցական գիտության փառատոն-2026»-ի եզրափակիչ փուլը: 2026թ. փառատոնին մասնակցելու համար Երևանի և ՀՀ բոլոր մարզերի 40 ուսումնական հաստատություններից ներկայացվել է 96 հայտ: Փառատոնին մասնակցելու համար ներկայացվել են նախագծեր 5 անվանակարգերում: ԿԳՄՍՆ:
Մշակույթ
Ժամը 12:00-ին Գրականության և արվեստի թանգարանում (Արամի1) կներկայացվի Մխիթար Աբբահոր ծննդյան 350-ամյակին նվիրված արծաթե հուշադրամը և կբացվի Մխիթարյան Միաբանությանը նվիրված ցուցադրություն։ Ցուցադրությունն իրականացվում է Գրականության և արվեստի թանգարանի, Կենտորանական բանկի և Հայաստանի Մխիթարյան Միաբանության հետ համագործակցությամբ: +374-77-611-560:
Ժամը 17:00-ին «Մոսկվա» կինոթատրոնում կկայանա Հնդկական ժամանակակից ֆիլմերի փառատոնի պաշտոնական բացումը:
Սպորտ
Ժամը 11:00-ից Ալբերտ Ազարյանի անվան մարզադպրոցում կկայանա Հայաստանի սպորտային մարմնամարզության մեծահասակների առաջնություն. ժամը 11:00-ից եզրափակիչներ:
Ժամը 16:00-ին «Հանրապետական» մարզադաշտի ասուլիսների սրահում կկայանա Բելառուսի հավաքականի գլխավոր մարզիչ Վիկտոր Գոնչարենկոյի և ֆուտբոլիստներից մեկի նախախաղային ասուլիսը: Մարզումը՝ ժամը 16:30-ին: Մարզումների առաջին 15 րոպեն բաց կլինեն մեդիայի հավատարմագրված ներկայացուցիչների համար։
Ժամը 17:30-ին «Հանրապետական» մարզադաշտի ասուլիսների սրահում կկայանա Հայաստանի ազգային հավաքականի գլխավոր մարզիչ Եղիշե Մելիքյանի և խաղացողներից մեկի նախախաղային ասուլիսը։ Ազգային ընտրանու մարզումը կմեկնարկի ժամը 18:00-ին: Մարզումների առաջին 15 րոպեն բաց կլինեն մեդիայի հավատարմագրված ներկայացուցիչների համար։