366.85
Կառավարությունը 11 սուբվենցիոն ծրագիր կհամաֆինանսավորի 11 համայնքում
1 րոպեի ընթերցում
Հայաստանի կառավարությունը 11 սուբվենցիոն ծրագիր կհամաֆինանսավորի Արագածոտնի, Արարատի, Արմավիրի, Գեղարքունիքի, Սյունիքի և Տավուշի մարզերի 11 համայնքում:
«Արմենպրես»-ի փոխանցմամբ՝ գործադիրի մարտի 26-ի նիստում Տարածքային կառավարման և ենթակառուցվածքների նախարար Դավիթ Խուդաթյանը նշեց, որ համայնքային ենթակառուցվածքների զարգացմանն ուղղված ծրագրերը կհամաֆինանսավորվեն 1 մլրդ 100 մլն դրամով:
«Դրանք վերաբերում են ընդհանուր 353,1 կիլովատտ-ժամ հզորությամբ արևային ֆոտովոլտային 7 կայանների տեղադրմանը, շենքերի տանիքների հիմնանորոգմանը, վերականգնմանը, ճանապարհների ասֆալտապատմանը, խաղահրապարակի կառուցմանը, մանկապարտեզի շենքի վերանորոգմանն ու հիմնանորոգմանը, արտաքին լուսավորության անցկացմանը, ոռոգման համակարգի արդիականացմանը, վերելակների փոխարինմանը և այլ աշխատանքների»,- ասաց Փաշինյանը:
Վարչապետը հավելեց, որ միջոցներ են հատկացվել նաև Արագածոտնի մարզպետի աշխատակազմի վարչական շենքի բարեկարգման համար:
«Արագածոտնի մարզպետի աշխատակազմի շենքն ահավոր վիճակում է: Պետության համար ուղղակի նման շենքի գոյությունն ինքնին խնդիր է, և պետք է այս հարցը լուծել»,- նշեց վարչապետը:
Բաժանորդագրվեք մեր ալիքին Telegram-ում