Ադրբեջանի տարածքով Հայաստան կուղարկվի պարարտանյութ և հնդկաձավար

Ադրբեջանի տարածքով տարանցիկ կերպով Հայաստան կուղարկվի 4 վագոն պարարտանյութ և 1 վագոն հնդկաձավար:

«Արմենպրես»-ի փոխանցմամբ՝ այս մասին հայտնում են ադրբեջանական լրատվամիջոցները:

Ադրբեջանի տարածքով ռուսական ցորենի առաջին խմբաքանակը Հայաստան էր հասել 2025 թվականի նոյեմբերի 6-ին։ Նոյեմբերի 8-ին կրկին Ադրբեջանի տարածքով Հայաստան էր հասել ղազախական ցորենի խմբաքանակը՝ 1000 տոննա։ Ադրբեջանի տարածքով  մարտի 9-ին Հայաստան էր ուղարկվել ռուսական ցորենի հերթական խմբաքանակը: