Տարիներով անմշակ հողատարածքները, որոնց սեփականատերերը բացակայում են, կտրամադրվեն վարձակալությամբ
1 րոպեի ընթերցում
ՀՀ կառավարությունը նախատեսում է ստեղծել գործիքակազմ, որով տասնյակ տարիներ անմշակ մնացած հողատարածքները, որոնց սեփականատերերը բացակայում են, վարձակալության հիմունքներով կտրամադրվեն գործող ֆերմերներին։
«Արմենպրես»-ի հաղորդմամբ՝ Վարդենիսի բնակիչների հետ հանդիպմանն այս մասին ասաց ՀՀ վարչապետ Նիկոլ Փաշինյանը։
Նրա խոսքով՝ օրենքով հողատարածքի վարձակալությունից գոյացած գումարները կփոխանցվեն համապատասխան հաշվեհամարի և սեփականատիրոջ ի հայտ գալու դեպքում կտրամադրվեն նրան։
«Վճարում եք հողի վարձը, այդ գումարը դնում ենք մի հաշվի վրա, և երբ այդ սեփականատերը կգա և կասի ինչո՞ւ եք իմ հողն օգտագործել, կասենք՝ տեսնելով, որ չեք օգտագործում, օրենքով տվել ենք նրան, ով օգտագործում է․ սա էլ քո վարձի փողը»,-նշեց վարչապետը։