4 րոպեի ընթերցում
ԱՆՈՆՍ
20 մարտ, 2026
ՀՀ ԱԺ
ժամը 11:00-ին 414 դահլիճում նիստ կգումարի Պաշտպանության եւ անվտանգության հարցերի մշտական հանձնաժողովը ։
ժամը 13:30-ին 334 դահլիճում կկայանան Տարածաշրջանային եւ եվրասիական ինտեգրման հարցերի մշտական հանձնաժողովի նիստերը:
Պետական կառույցներ
ժամը 11:00-ին, «Արմենպրես» լրատվական գործակալության մամուլի սրահում (Աբովյան 9) տեղի կունենա ԲՏԱՆ կապի և փոստի վարչության պետ Գևորգ Սարգսյանի և Օպերատորների միության գործադիր տնօրեն Քրիստինե Գյոնջյանի ասուլիսը։
ԹԵՄԱ.- Հեռահաղորդակցության շաբաթ 2026
Հրավիրում ենք լուսաբանման:
+374 77258535
Կուսակցություններ, ՀԿ-ներ, միջազգային կազմ-ներ
Ժամը 12։00-ին Իսակով 11 հասցեում տեղի կունենա «Մայր Հայաստան» կուսակցության նախընտրական 10 առաջարկների ներկայացումը։
Լրագրողների մուտքն ազատ է։
Մշակույթ
ժամը 18:00-ին «ՀայԱրտ» Կենտրոնում տեղի կունենա «The Echo։ Հայ և ավստրիացի արվեստագետները մեկ հարկի ներքո» խորագրով հայ-ավստրիական խմբակային ցուցահանդեսի պաշտոնական բացումը։ Հայ և ավստրիացի արվեստագետներից բացի ներկա կգտնվեն նաև Թբիլիսիում Ավստրիայի արտակարգ և լիազոր դեսպան՝ Ռոբերտ Գերշները, «Xylon Austria» միավորման անդամ և հայ-ավստրիական միջմշակութային համագործակցության նախաձեռնող և իրականացնող Մանֆրեդ Էգգերը, «Xylon Austria» միավորման նախագահ Քրիստին Քերցը, ինչպես նաև «ՀայԱրտ» Կենտրոնի տնօրենի ժամանակավոր պաշտոնակատար Սոնա Հարությունյանը։
Ցուցահանդեսին կներկայացվեն 22 ավստրիացի և 22 հայ արվեստագետների աշխատանքներ՝ կատարված տարբեր տեխնիկաներով, ներառյալ՝ գեղանկարչություն և գեղարվեստական տպագրություն։
«The Echo» հայ-ավստրիական խմբակային ցուցահանդեսի շրջանակում, մարտի 21-ին ժամը 15։00-ին, «ՀայԱրտ» Կենտրոնում կկայանա նաև արվեստագետների հետ հանդիպում (Artist Talk)։ «Xylon Austria» միավորման անդամ և հայ-ավստրիական միջմշակութային համագործակցության նախաձեռնող Մանֆրեդ Էգգերը հանդես կգա «Ժամանակակից արվեստն Ավստրիայում» զեկույցով, որից հետո ավստրիացի արվեստագետները կկիսվեն իրենց փորձառությամբ, ապա կկայանա հարց ու պատասխան։
Մամուլի ակումբներ
ժամը 13.00-ին Sputnik Արմենիա մուլտիմեդիոն մամուլի կենտրոնում տեղի կունենա տեսակամուրջ՝ «Իրանում պատերազմի պատճառով ԵԱՏՄ երկրներին սպառնո՞ւմ է սննդամթերքի դեֆիցիտ» թեմայով։
Հորմուզի նեղուցի փակումը շատ երկրների կանգնեցնում է ոչ միայն վառելիքային, այլև պարենային ճգնաժամի վտանգի առաջ։ Ստեղծված իրավիճակը կհանգեցնի պարենամթերքի համաշխարհային գների կտրուկ աճի։
Արդյոք թանկացումն ու սննդամթերքի դեֆիցիտը սպառնում են նաև ԵԱՏՄ երկրներին։ Մոսկվա-Երևան տեսակամրջի ժամանակ թեման կքննարկվի տնտեսական գիտությունների դոկտոր, ՌԴ կառավարության ագրարային դեպարտամենտի նախկին պետ Լեոնիդ Խոլոդի հետ։
Տեսակամուրջը կհեռարձակվի Sputnik Արմենիա կայքում և VK սոցիալական ցանցի մեր էջում։