4 րոպեի ընթերցում
ԱՆՈՆՍ
19 մարտ, 2026
Կառավարություն
Ժամը 11։00–ին տեղի կունենա Կառավարության նիստ
ՀՀ ԱԺ
Ժամը 14:00-ին ԱԺ 314 դահլիճում տեղի կունենա Մարդու իրավունքների պաշտպանության եւ հանրային հարցերի մշտական հանձնաժողովի նիստը։
Ժամը 14:00-ին 114 դահլիճում տեղի կունենա Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նիստը։ Ժամը 15:30-ին 214 դահլիճում արտահերթ նիստ կհրավիրի Աշխատանքի եւ սոցիալական հարցերի մշտական հանձնաժողովը:
Կուսակցություններ, ՀԿ-ներ, միջազգային կազմ-ներ
ժամը 19:00-ին Առնո Բաբաջանյանի համերգասրահի նախասրահում տեղի կունենա 44-օրյա պատերազմում անմահացած հերոս Հայկազ Մկրտչյանի հիշատակին նվիրված գրքի շնորհանդեսը։
Գիրքը կազմվել է նրա հարազատների, ընկերների, զինակիցների, հրամանատարների հիշողությունների հիման վրա՝ ներկայացնելով Հայկազի կյանքը, արժեքներն ու հերոսական մարտական ուղին։
Միջոցառման ընթացքում կներկայացվի գրքի ստեղծման պատմությունը, կհնչեն հիշողություններ Հայկազի մասին։ Շնորհանդեսին ներկա կլինեն նրա հարազատները, ընկերները, զինակիցներն ու հրամանատարները։
Միջոցառման շրջանակում կցուցադրվի նաև փաստավավերագրական ֆիլմ Հայկազ Մկրտչյանի կյանքի և 2 պատերազմներում նրա անցած մարտական ուղու մասին։
Կլինենք երախտապարտ ձեր ներկայության և միջոցառման լուսաբանման համար։
Ժամը 12:00-ին Ագեան արվեստի պատկերասրահում (Փարամազ Ավետիսյան մասնաշենք, 4-րդ հարկ) կկայանա պանելային քննարկում՝ «Ինչո՞ւ են մարդիկ գերածախսում» թեմայով։
Ինչո՞ւ են մարդիկ հաճախ ծախսում ավելին, քան իրականում նախատեսել էին։ Ի՞նչ դեր ունեն զեղչերը, նորաձև միտումները, հույզերը և շուկայական ազդակները մեր ֆինանսական որոշումների կայացման գործընթացում։ Այս հարցերը կքննարկվեն պանելային քննարկման ընթացքում, որը կմիավորի տնտեսագիտության, վարքագծային գիտության և մարքեթինգի ոլորտների փորձագետներին։
Քննարկման նպատակն է բացահայտել այն հիմնական գործոնները, որոնք ձևավորում են սպառողների ծախսային վարքագիծը։ Մասնակիցները կանդրադառնան կոգնիտիվ կողմնակալություններին, վարքագծային օրինաչափություններին, մարքեթինգային ռազմավարություններին և լայն մակրոտնտեսական միտումներին, որոնք ազդում են ինչպես անհատների ֆինանսական որոշումների, այնպես էլ շուկաների դինամիկայի վրա։
Մոդերատոր՝ Գուրգեն Ասլանյան, Ph.D
Բանախոսներ՝
• Հայկ Քամալյան, Ph.D • Վարդան Բաղդասարյան, Ph.D • Լևոն Բաղդասարյան, MBA
Սպորտ
ժամը 17։30-ին «Marcossiani Music hall»-ում (Հասցե Պարոնյան 28Ա) կկայանա հայկական սպորտի վառ անհատականություններից մեկի՝ կարատեի աշխարհի և եվրոպայի չեմպիոն, MMA մարզաձևում արդեն 7/0 ռեկորդակիր, WKN վարկածի հաղթող, Հայաստանի կարատեի միության հիմնադիր Կամո Ունանյանին նվիրված նոր երգի և տեսահոլովակի շնորհանդեսը։
Երեկոյի ընթացքում տեղի կունենա «Միշտ առաջ» վերնագրված երգի և տեսահոլովակի պրեմիերան, որը կատարում է երգիչ Էդո Բառնաուլսկին: Ստեղծագործությունը ձոն է Կամո Ունանյանի անցած փառահեղ մարզական ուղուն, նրա կամքին և հաղթանակներին։
Տեսահոլովակն արտացոլում է չեմպիոնի տպավորիչ մենամարտերը և այն անկոտրում կամքը, որը նրան բերել է միջազգային ճանաչման։
Երեկոյի ընթացքում կլինի նաև հյուրասիրություն։
Հարգելի լրատվամիջոցներ, միջոցառմանը ներկա գտնվելու և լուսաբանելու խնդրում ենք զանգահարել նշված հեռախոսահամարով՝ 094 561819։