Թրամփը հայտարարել է Չինաստանի նախագահի հետ հանդիպման հետաձգման մասին

ԱՄՆ նախագահ Դոնալդ Թրամփի կարծիքով՝ իր և Չինաստանի նախագահ Սի Ծինփինի հանդիպումը տեղի կունենա մոտ մեկ ամիս ուշացումով։

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին Դոնալդ Թրամփը հայտարարել է Սպիտակ տանը լրագրողների հետ հարցուպատասխանի ընթացքում։

«Մենք Չինաստանի հետ ունենք շատ լավ աշխատանքային հարաբերություններ։ Ուստի կազմակերպելու ենք այցը մոտավորապես հինգ-վեց շաբաթից»,-նշել է Թրամփը։

Ավելի վաղ՝ ենթադրվում էր, որ Թրամփի այցելությունը Չինաստան տեղի կունենա մարտի 31-ից մինչև ապրիլի 2-ը։