4 րոպեի ընթերցում
ԱՆՈՆՍ
18 մարտ, 2026
Պետական կառույցներ
ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության պետ Անահիտ Գալստյանի, Միասնական սոցիալական ծառայության պետի տեղակալ Աննա Բեգլարյանի ասուլիսը։
ԹԵՄԱ.-Կենսաթոշակի բարձրացում, աշխատանքային ստաժի հաշվարկ․ ապրիլի 1-ից ուժի մետ մտնող փոփոխությունները։
Հրավիրում ենք լուսաբանման:
+374 91 62 18 38
Կուսակցություններ, ՀԿ-ներ, միջազգային կազմ-ներ
Ժամը 12։30-ին Փրայմ Հոլում տեղի կունենա Սամվել Կարապետյանի «Ուժեղ խաղաղություն» անվտանգության ծրագրի շնորհանդեսը, որը մշակվել է հայաստանյան և օտարերկրյա առաջատար փորձագետների մասնակցությամբ։
Միջոցառումը կհեռարձակվի ուղիղ եթերում։ Այն լուսաբանելու համար ԶԼՄ-ներին կտրամադրվի ուղիղ եթերի բաց հղումը։ Տեղում լուսաբանում և հարցազրույցներ նախատեսված չեն։
Ժամը 15:30-ին «Յոլյան» արյունաբանության և ուռուցքաբանության կենտրոնի «Սաթենիկ Սաֆարյան» սրահում (Հրաչյա Ներսիսյան 7) «Սիթի օֆ Սմայլ» հիմնադրամը՝ «Յոլյան» արյունաբանության և ուռուցքաբանության կենտրոնի հետ համատեղ, կհյուրընկալի ACT for Children նախաձեռնության պատվիրակության պաշտոնական այցը Հայաստանում։ ACT for Children-ը գլոբալ հանրային նախաձեռնություն է: Այցելող պատվիրակության կազմում ընդգրկված են ներկայացուցիչներ՝ ACT for Children նախաձեռնությունից, «Servier», «Amgen» կազմակերպությունների բարձրաստիճան ներկայացուցիչներ, Երեխաների քաղցկեղի միջազգային կազմակերպության և Մանկական ուռուցքաբանության միջազգային ընկերության ներկայացուցիչներ։ Նրանք կհանդիպեն Հայաստանի գործընկերների՝ Սիթի օֆ Սմայլ հիմնադրամի և «Յոլյան» արյունաբանության և ուռուցքաբանության կենտրոնի ներկայացուցիչների հետ՝ դիտարկելու արձանագրված առաջընթացը, փոխանակելու փորձառություն և քննարկելու համագործակցության նոր հնարավորություններ՝ Հայաստանում մանկական քաղցկեղի բարձրորակ և կայուն բուժօգնության զարգացման նպատակով։ «Յոլյան» արյունաբանության և ուռուցքաբանության կենտրոն, +37498832263 :
Մամուլի ակումբներ
ժամը 12.00- ին Sputnik Արմենիա մուլտիմեդիոն մամուլի կենտրոնում տեղի կունենա Մոսկվա-Երևան առցանց տեսակամուրջ ռուս քաղաքագետ-ամերիկագետ, հրապարակախոս Մալեկ Դուդակովի մասնակցությամբ։ Թեմա՝ Մերձավորարևելյան ճգնաժամն ու տարածաշրջան- ԱՄՆ հարաբերությունները։
Ինչպե՞ս կանդրադառնա Մերձավոր Արևելքում ներկայիս ճգնաժամը տարածաշրջանի երկրների և ԱՄՆ-ի ու ՆԱՏՕ-ի այլ երկրների հետ հարաբերությունների վրա։ Արդյոք սանձազերծված հակամարտությունը կազդի Ամերիկայի ակտիվության վրա աշխարհի այլ տարածաշրջաններում, և ինչպես կզարգանան իրադարձությունները։
Տեսակամուրջը կհեռարձակվի Sputnik Արմենիա կայքում և VK սոցիալական ցանցի մեր էջում։
Սպորտ
Ժամը 11։00-ից Երևանի «Դինամո» մարզադահլիճում կկայանա ՀՀ վաստակավոր մարզիչ, ֆիզիկական կուլտուրայի և սպորտի պատվավոր աշխատող Լյովա Վարդանյանի անվան 5-րդ միջազգային հուշամրցաշարը: Եզրափակիչները՝ ժամը 16:00-ից: