3 րոպեի ընթերցում
ԱՆՈՆՍ
17 մարտ, 2026
ՀՀ ԱԺ
Ժամը 10:00-ին Ազգային ժողովի 414 դահլիճում տեղի կունենա Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստը:
Պետական կառույցներ
Ժամը 13:50-ին Կենտրոնական բանկում կկայանա ՀՀ ԿԲ նախագահ Մարտին Գալստյանի ասուլիսը՝ վերաֆինանսավորման տոկոսադրույքի վերաբերյալ: Ասուլիսը, ինչպես նաև ուղիղ եթերով ասուլիսի հեռարձակումը կսկսվի ժամը 14:00-ին: Խնդրում ենք ունենալ անձը հաստատող փաստաթուղթ: 592592 (ներքին 0702):
Կուսակցություններ, ՀԿ-ներ, միջազգային կառույցներ
Ժամը 11։00-ին ավտոապահովագրողների բյուրոյում տեղի կունենա Հայաստանի ավտոապահովագրողների բյուրոյի գործադիր տնօրենի մամուլի ասուլիսը: 2026թ. ապրիլի 1-ից Հայաստանի ավտոապահովագրության ոլորտում սպասվում են կարևոր փոփոխություններ։ Հայաստանի Ավտոապահովագրողների բյուրոյի նախաձեռնությամբ զգալիորեն բարձրացվել են ապահովագրական հատուցումների առավելագույն սահմանաչափերը՝ նպատակ ունենալով ավելի լիարժեք պաշտպանել վարորդների և տուժողների շահերը։ Ի՞նչն է փոխվում. գույքային վնասների համար՝ սահմանաչափը 1.8 մլն դրամից դառնում է 2.5 մլն դրամ: Առողջական վնասների համար՝ սահմանաչափը 3.3 մլն դրամից դառնում է 3.5 մլն դրամ: Այս բարեփոխումների մանրամասները, դրանց ազդեցությունը շուկայի վրա և սակագների վերանայման հիմնավորումները ներկայացնելու նպատակով տեղի կունենա Հայաստանի ավտոապահովագրողների բյուրոյի գործադիր տնօրենի ասուլիսը:
Մշակույթ
Ժամը 14:00-ին ՀԳՄ կլոր սրահում տեղի կունենա բանաստեղծ, մանկագիր, նկարիչ Էդվարդ Միլիտոնյանի «Հայոսը Քարթլոսի մասին» գրքի գինեձոնը:
Ժամը 17:00-ին Թեքեյան կենտրոնում տեղի կունենա հայ ականավոր վիրաբույժ Արտավազդ Սահակյանի հուշ-երեկոն։ Արտավազդ Սահակյանը (1953–2025) հանդիսանում էր Հայաստանում պլաստիկ և միկրովիրաբուժության զարգացման հիմնադիրներից և իր գործունեությամբ մեծ ներդրում է ունեցել բժշկության այս ոլորտի ձևավորման ու զարգացման գործում։ 055 63 06 37։
Ժամը 19:30-ին Արամ Խաչատրյան համերգասրահում Ժամանակակից երաժշտության փառատոնի շրջանակում տեղի կունենա համերգ՝ նվիրված Էլժբետա Պենդերեցկայի հիշատակին։ Մենակատարներ՝ Ռոման Կիմ (ջութակ), Ռուբեն Կոզին (դաշնամուր)։ Դիրիժոր Սերգեյ Սմբատյան:։ +374 93 51 71 12: